دل ڈوبتا ہے ہجر کے نا دیدہ آب سے
کب سرفراز ہو گا محمد کے خواب سے
Dil doobta hai hijr ke naa deeda aab se
Kab sarfaraz ho ga Mohammad ke khwaab se
اُن کو دہن دیا ہے خدا نے وہ بے مثال
کڑوے کو میٹھا کر دے جو اپنے لعاب سے
Un ko dahan diya hai Khuda ne wo be misaal
Karwe ko meetha kar de jo apne luaab se
درماں ہر ایک درد کا میرے حضور ہیں
ہم کو پتہ چلا ہے خدا کی کتاب سے
Darmaan har aik dard ka mere Huzoor hain
Hum ko pata chala hai Khuda ki kitaab se
جب حشر میں کریں گے شفاعت وہ شان سے
ہم کو اماں ملے گی خدا کے عذاب سے
Jab hashr mein karein ge shafaat wo shaan se
Hum ko amaan mile gi Khuda ke azaab se
ذکرِ خدا کا لطف جسے ہو گیا عطا
اس کو غرض نہیں ہے صدائے رباب سے
Zikr-e-Khuda ka lutf jise ho gaya ata
Us ko gharaz nahi hai sada-e-rabab se
خضرٰی کے ہیں نصیب خدا کے ہی فضل سے
جو جگمگا رہا ہے بڑی آب و تاب سے
Khizra ke hain naseeb Khuda ke hi fazl se
Jo jagmaga raha hai barri aab o tab se
معراج پر گئے ہیں محمد جو عرش پر
جلوہ دکھا دیا ہے خدا نے حجاب سے
Me'raj par gaye hain Mohammad jo arsh par
Jalwa dikha diya hai Khuda ne hijab se
محبوب سر اٹھاؤ تو سجدے سے اب ذرا
ہم نے دعا سنی ہے تمھارے حساب سے
Mahboob sar uthao to sajday se ab zara
Hum ne dua suni hai tumhare hisaab se
امت کو بخش دینا کہا تھا حضور نے
قائم کبھی نہ ڈرنا تو روزِ حساب سے
Ummat ko baksh dena kaha tha Huzoor ne
Qaim kabhi na darna to roz-e-hisaab se
Share This Naat
Share with friends and family
دل ڈوبتا ہے ہجر کے نا دیدہ آب سے
سید حب دار قائم