ختم ہونے ہی کو ہے در بدری کا موسم
جلد دیکھوں گا میں شہر نبوی کا موسم
Khatm hone hi ko hai dar badri ka mausam
Jald dekhon ga main shehr e Nabwi ka mausam
فرش پر عرش کے حالات سنائے ہم کو
اُن کے آنے سے گیا بے خبری کا موسم
Farsh par arsh ke halaat sunaye hum ko
Un ke aane se gaya be khabri ka mausam
آپ نے آکے بتائے ہیں بصیرت کے رموز
آپ سے سب کو ملا خوش نگہی کا موسم
Aap ne aake bataye hain baseerat ke ramooz
Aap se sab ko mila khush nagahi ka mausam
اُن کی نسبت سے دُعاؤں کا شجر سبز ہوا
ورنہ ٹلتا ہی نہ تھا بے ثمری کا موسم
Un ki nisbat se duaaon ka shajar sabz hua
Warna talta hi na tha be samri ka mausam
گنبد سبز کو چوما تو نظر نے پایا
حق شناسی کا ثمر دیدہ وری کا موسم
Gunbad sabz ko choma to nazar ne paaya
Haq shanasi ka samar deedah wari ka mausam
تنگ دامانی پہ شرمندہ ہوں اپنی ہی صبیحؔ
دَین میں اُن کی کہاں ورنہ کمی کا موسم
Tang damani pe sharminda hoon apni hi Sabih
Dain mein un ki kahan warna kami ka mausam
Share This Naat
Share with friends and family
ختم ہونے ہی کو ہے در بدری کا موسم
سید صبیح الدین صبیح رحمانی