لج پال سخی دے در آئیاں اک نظر کرم دی کر سائیاں
اج اپنی آل دا سر صدقہ میری خالی جھولی بھر سائیاں
Lajpal sakhi de dar aiyan ik nazar karam di kar saiyan
Aj apni aal da sar sada meri khali jholi bhar saiyan
تیرے ہتھ وچ شرماں لاجاں نے در آملیا محتاجاں نیں
ایڈے بختاور دادر چھڈ کے کسے غیر دے جاں کیوں در سائیاں
Tere hath wich sharman lajan ne dar amliya mohtajan ne
Ede bakhtwar dadar chhad ke kise gher de jaan kyu dar saiyan
نت گیت سخی دے گاواں میں منہ منگیاں مراداں پاواں میں
تیرے گھر چوں خالی کیوں جاواں لج پال ہے تیرا گھر سائیاں
Nit geet sakhi de gawaan main mun mangiyan muradan paawan main
Tere ghar choon khali kyu jawaan lajpal hai tera ghar saiyan
میں نفل پڑھاں شکرانے دے جے گھر آویں دیوانے دے
ارمان نے ایہہ مستانے دے تیرا در ہووے میرا سر سائیاں
Main nafl parhaan shukranay de je ghar awain deewanay de
Arman ne eh mastanay de tera dar howe mera sar saiyan
مینوں ہر دم تیریاں لوڑاں نے تیرے ہندیاں کاہدیاں تھوڑاں نے
تیرے در دے فقیراں منگیتاں نوں نئیں قبر حشر دا ڈر سائیاں
Mainu har dam teriyan loran ne tere handi khaadiyan thoran ne
Tere dar de faqiran mangitan noo nain qabar hashar da dar saiyan
نئیں لوڑ نیازی شاہواں دی میں منگتی تیریاں راہواں دی
مک چلی بازی ساہواں دی مٹی نوں کر دے زر سائیاں
Nain lor Niazi shahwan di main mangti teriyan rahwan di
Mukk chali bazi sahwan di mitti noo kar de zar saiyan
Share This Naat
Share with friends and family
لج پال سخی دے در آئیاں اک نظر کرم دی کر سائیاں
عبدالستار نیازی