مفہوم سے اونچا ترا عرفان ہے مولا
معقول سے بالا تری پہچان ہے مولا
Mafhoom se ooncha tera irfan hai maula
Maqool se bala teri pehchaan hai maula
یہ اَلسنہ و مجمعِ اَلوان کی تفریق
بے مثلیِٔ تخلیق کی برہان ہے مولا !
Yeh alsina o majm'a-e-alwaan ki tafreeq
Be misli e takhleeq ki burhan hai maula!
مصنوع ہے خود حمد گہِ صنعتِ صانع
بے نطق جہاں تیرا ثنا خوان ہے مولا !
Masnoo hai khud hamd gah e sanat-e-sani
Be nutq jahan tera sana khwan hai maula!
ہیں آب و ہوا ، آتش و خاک اس میں اکٹھے
شہکار عجب تیرا یہ انسان ہے مولا !
Hain aab o hawa, aatish o khaak is mein ikathe
Shahkaar ajab tera yeh insaan hai maula!
تو دودھ بناتا ہے دَم و فَرث کے مابین
کس ذات کی یہ تیرے سوا ، شان ہے مولا !
Tu doodh banata hai dam o fars ke maabain
Kis zaat ki yeh tere siwa, shaan hai maula!
وہ بُعد کہ اَبعد زِ حدِ عرشِ تخیل
وہ قرب کہ اقرب زِ رگِ جان ہے مولا
Woh bo'd ke ab'ud ze had e arsh e takhayul
Woh qurb ke aqrab ze rag e jaan hai maula
پانی سے تو ہوتی نہیں تطہیرِ بَواطن
یعنی کہ ترا ذکر ہی اشنان ہے مولا !
Paani se tu hoti nahi tatheer e bawatin
Yani ke tera zikr hi ashnan hai maula!
محتاج ستونوں کے نہیں سبعَ سماوات
سائنس تو یہی سوچ کے حیران ہے مولا
Moohtaaj sutoonon ke nahi sab'a samaawat
Science to yahi soch ke hairaan hai maula
بنتی ہے کہاں وحدتِ موجود کہے بِن
اَظلالِ عوالم کا جب اعلان ہے مولا !
Banti hai kahan wahdat e mojood kahe bin
Azlaal e awalim ka jab elan hai maula!
موسم کا تبدل ہے کہاں اور کے بس میں
تقلیبِ شب و روز کب آسان ہے مولا !
Mausam ka tabaddul hai kahan aur ke bas mein
Taqleeb e shab o roz kab aasan hai maula!
تو چاہے تو پل بھر میں شہی شاہوں کی جائے
چاہے تو گدا نازشِ سلطان ہے مولا
Tu chahe to pal bhar mein shahi shahon ki jaye
Chahe to gada naazish e sultan hai maula
اِک تو ہے شہنشاہ کہ دربار میں جس کے
منگتوں کی امیروں سے بڑی شان ہے مولا !
Ik tu hai shahenshah ke darbar mein jis ke
Mangton ki ameeron se bari shaan hai maula!
نظّارۂِ شہرِ شہِ ابرار کو کب سے
بے تاب تِرا ساکنِ ملتان ہے مولا !
Nazzarah e shehr e shah e abraar ko kab se
Be tab tera sakin e Multan hai maula!
گو اپنی اثیمی پہ پشیماں ہے معظم
پر تیری کریمی پہ اسے مان ہے مولا
Go apni aseemi pe pashemaan hai moazzam
Par teri kareemi pe usay maan hai maula
Share This Naat
Share with friends and family
مفہوم سے اونچا ترا عرفان ہے مولا
معظم سدا معظم مدنی