لذّتِ عیش پہ تُف ، رونقِ بازار پہ خاک
ان کا سگ ڈالتا ہے درہم و دینار پہ خاک
Lazat-e-esh pe tuf, ronaq-e-bazaar pe khaak
Un ka sag daalta hai darham o deenaar pe khaak
شیر کی کھال میں ہر بھیڑیے عیار پہ خاک
آل و اصحابِ شہنشاہ سے بیزار پہ خاک
Sher ki khaal mein har bheriye ayyaar pe khaak
Aal o ashaab-e-shehenshah se bezaar pe khaak
سیلِ گریہ سے بہا پایا نہیں کوہِ فراق
میرے محرومِ اثر دیدۂ خوں بار پہ خاک
Sail-e-giryah se baha paaya nahi koh-e-firaaq
Mere mehroom-e-asar deeda-e-khoon baar pe khaak
عکسِ توصیفِ رخِ شہ نے اجالا ، ورنہ
’’جم رہی تھی مِرے آئینۂِ اشعار پہ خاک‘‘
Aks-e-tauseef-e-rukh-e-sheh ne ujala, warna
"Jam rahi thi mere aaiina-e-ashaar pe khaak"
گر نہ ہو جانِ معانی و مبانی کی ثنا
فنّ و اَفکار پہ تُف ، قوّتِ اظہار پہ خاک
Gar na ho jaan-e-maani o mabani ki sanaa
Fann o afkaar pe tuf, quwwat-e-izhaar pe khaak
خرمنِ حسنِ عمل جلنے سے کر لے ! محفوظ
واعظا ! ڈال ابھی آتشِ پندار پہ خاک
Kharman-e-husn-e-amal jalne se kar le! Mehfooz
Wa-aiza! Daal abhi aatish-e-pindaar pe khaak
لِلّہ الحمد کہ جیتے جی مدینے میں ہے روح
بعدِ مردن بھی پہنچ جائے درِ یار پہ خاک
Lillah alhumd keh jeete ji Madeene mein hai rooh
Baad-e-mordan bhi pahunch jaye dar-e-yaar pe khaak
عکس افروز ہو گر اسوۂِ ذی خلقِ عظیم
نہیں ممکن کہ پڑے شیشۂِ کردار پہ خاک
Aks afroz ho gar uswa-e-zi khulq-e-azeem
Nahi mumkin keh pare sheesha-e-kirdar pe khaak
مصدرِ اہلِ صفا اس کا ہے ذرّہ ذرّہ
مشتق از نور جو ہے رستۂِ سرکار پہ خاک
Masdar-e-ahl-e-safa us ka hai zarra zarra
Mushtaq az noor jo hai rasta-e-sarkaar pe khaak
لوح مکشوف ہو ، اے صاحبِ چشمِ" ما زاغ " !
تیرے دربار کی پڑ جائے جو اَبصار پہ خاک
Lauh makhshoof ho, ay sahib-e-chashm "ma zaagh"!
Tere darbaar ki par jaye jo absaar pe khaak
پھر وہ کونین میں کیونکر نہ معظمؔ ہو ، اگر
ڈال دے نعلِ مقدس کسی بدکار پہ خاک
Phir wo konein mein kiun kar na Muazzam ho, agar
Daal de naal-e-muqaddas kisi badkaar pe khaak
Share This Naat
Share with friends and family
لذّتِ عیش پہ تُف ، رونقِ بازار پہ خاک
معظم سدا معظم مدنی