تیرے آگے مری جھکتی ہوئی پیشانی سے
میری ہر صبح کا آغاز ہوا کرتا ہے
Tere aage meri jukti hui peshaani se
Meri har subah ka aaghaz hua karta hai
رحمتیں دیتی ہیں آواز گنہ گاروں کو
یہ کرشمہ بھی ترا عفو کیا کرتا ہے
Rehmatain deti hain aawaaz gonaahgaaron ko
Yeh karishma bhi tera afu kiya karta hai
رزق پہنچاتا ہے پتھر میں چھپے کیڑے کو
تو ہی سوکھی ہوئی شاخوں کو ہرا کرتا ہے
Rizq pohanchata hai pathar mein chhupay keeray ko
Tu hi sookhi hui shaakhon ko hara karta hai
زندگی پر کبھی اتراؤں نہ مرنے سے ڈروں
تو ہی پیدا بھی کرے تو ہی فنا کرتا ہے
Zindagi par kabhi itraoon na marne se daroon
Tu hi paida bhi kare tu hi fana karta hai
تیرے الطاف کسی کے لیے مخصوص نہیں
تو ہر اک چاہنے والے کی سنا کرتا ہے
Tere altaaf kisi ke liye makhsoos nahin
Tu har ik chahne wale ki suna karta hai
خیر مقدم کیا کرتی ہیں اسی کی راہیں
تیرے کہنے کے مطابق جو چلا کرتا ہے
Khair maqdam kiya karti hain isi ki rahein
Tere kehne ke mutabiq jo chala karta hai
ہر کوئی تو تری جانب نہیں راغب ہوتا
تو جسے چاہے یہ توفیق عطا کرتا ہے
Har koi tu teri janib nahin raaghib hota
Tu jise chahe yeh tawfeeq ata karta hai
گیت گاتی ہیں بہاریں تری خلّاقی کے
سینۂ سنگ سے جب پھول کھلا کرتا ہے
Geet gaati hain baharein teri khallaqi ke
Seenah-e-sang se jab phool khila karta hai
بڑا ناداں ہے تجھے دور سمجھنے والا
تو رگِ جاں سے بھی نزدیک رہا کرتا ہے
Bada nadaan hai tujhe door samajhne wala
Tu rag-e-jaan se bhi nazdeek raha karta hai
Share This Naat
Share with friends and family
تیرے آگے مری جھکتی ہوئی پیشانی سے
مظفر وارثی