مدینہ کی زمیں طرفہ زمیں ہے
فضا جس کی بہارِ دل نشیں ہے
Madeena ki zameen tarfa zameen hai
Faza jis ki bahaar-e-dil nasheen hai
جہاں کی خاک ہے نکہت بد اماں
جہاں کا ذرہ ذرہ عنبریں ہے
Jahan ki khaak hai nihat bud amaan
Jahan ka zarra zarra anbareen hai
حقیقت بلکہ سچ پوچھو تو یہ ہے
مدینہ عکسِ فردوسِ بریں ہے
Haqeeqat balkay sach poochho to yeh hai
Madeena aks-e-firdous-e-bareen hai
وہ اک دربار ہے جس کی نظامت
سپردِ دستِ جبریلِؑ امیں ہے
Wo aik darbaar hai jis ki nidaamat
Supurad-e-dast-e-jibrail-e-ameen hai
فرشتے اس میں خدّامِ ادب ہیں
کہ وہ دربارِ شاہِ عالمیں ہے
Farishtay is mein khuddam-e-adab hai
Kay wo darbaar-e-shah-e-alameen hai
مراتب اس کے کیا ہیں ‘ یہ نہ پوچھو
کہ وہ سرتاجِ جملہ مرسلیں ہے
Martab is kay kya hain 'ye na poochho
Kay wo sartaaj-e-jumla mursaleen hai
نبی تو سب بڑے ہیں مرتبہ میں
مگر ان سے بڑا کوئی نہیں ہے
Nabi to sab baray hain martaba mein
Magar un say bara koi nahi hai
بڑائی اور کیا اس کی بیاں ہو
کہ وہ محبوبِ رب العالمیں ہے
Barai aur kya us ki bayan ho
Ke wo mehboob-e-Rab ul alameen hai
شفاعت اُس کے ماتھے پر لکھا ہے
لقب بھی رحمتُ لِلّعالمیں ہے
Shafaat uss ke maathay par likha hai
Laqab bhi Rehmatul lil alameen hai
Share This Naat
Share with friends and family
مدینہ کی زمیں طرفہ زمیں ہے
پروفیسراقبال عظیم