مَیں سراپا خطا و فِسق و فجُور
معصیت کوشیوں کے نشّے میں چُور
Main sarapa khata o fiq o fujur
Masiyat koshiyon ke nashay mein choor
میں کہ اک حسرتِ بریدہ پا
میں کہ اک التجائے نامنظور
Main ki ek hasrat e buree'dah pa
Main ki ek iltija e namanzur
میں کہ اک سازِ بے نفیرِ حیات
ابرِ بے آب و سعئ نامشکور
Main ki ek saaz e be nafeer e hayaat
Abr e bay aab o sa'ee namashkoor
نخلِ بے سایہ و گُلِ بے رنگ
برگِ خشک و گیاہِ بے مقدور
Nakhl e be saaya o gul e be rang
Barg e khushk o gayah e be maqdoor
تیرہ و تار خانۂ محزوں
دامنِ چاک و خاطرِ رنجور
Teera o taar khana-e-muhzoon
Daman e chaak o khatir e ranjoor
نہ کسی باغ کا گُلِ خوش رنگ
نہ کسی انجمن کی آنکھ کا نُور
Na kisi baagh ka gul e khush rang
Na kisi anjuman ki aankh ka nur
بے عمل ، بے شعور ، ناکارہ
بے کمالی میں دُور تک مشہور
Be amal, be shaoor, nakaara
Be kamali mein door tak mashhoor
عقل بے بہرۂ وجُود و شہود
فکر نا محرمِ غیاب و حضور
Aqal be ba'hera e wajood o shahood
Fikr na mahram e ghiyab o huzoor
مَیں کہ ناواقفِ سلوکِ ادب
مَیں کیا بیگانۂ شرابِ شعور
Main ki nawaqif e sulook e adab
Main kya begaana e sharab e shaoor
بے بضاعت ، فقیرِ ہیچمداں
علمِ و عرفان و آگہی سے دور
Be biza'at, faqeer e hechmadaan
Ilm e urfaan o aagehi se door
نہ مجھے زعم خوشنوائی کا
نہ مرے سَر میں فکر و فن کا فتور
Na mujhe za'am khushnawai ka
Na mere sar mein fikr o fan ka futoor
نہ رہ و رسمِ شاعری معلوم
نہ زبان و ادب پہ مجھکو عبُور
Na rah o rasam e sha'eri maloom
Na zuban o adab pe mujhko uboor
میں کہُوں نعتِ حضرت واؐلا؟
میں کروں ذکرِ سیّدِ جمہُور؟
Main kahun naat e Hazrat wala?
Main karun zikr e sayyed e jumhoor?
میں اور اوصافِ خواجۂ گیہاں ؟
میں اور اندازۂ کمالِ حضور؟
Main aur ausaaf e khwaja e gihan?
Main aur andaza e kamal e huzoor?
نُور سے جن کے ہر جہاں روشن
ذکر سے جن کے لامکاں معمُور
Noor se jin ke har jahan roshan
Zikr se jin ke la makaan mamoor
جن کی گلیوں میں سر جھکائے ہوئے
پابرہنہ پھریں شہانِ غیور
Jin ki galiyon mein sar jhukaye hue
Pa barahna phiren shahan e ghayoor
ناز بردار جن کے زھرہ جبیں
زیرِ پا جن کے قیصر و فغفور
Naaz bardar jin ke zuhra jabeen
Zer e pa jin ke qaiser o faghfoor
رازداں جن کا جبرائیلِ امیں ؑ
ریزہ خواروں میں شبؔلی و منصُؔور
Raazdaan jin ka jibraeel e ameen
Reza khwaron mein shibli o Mansur
عفو سے جن کے مستفید اعداء
جن کی شفقت سے بہرہ ور مقہور
Afu se jin ke mustafeed a'daa
Jin ki shafqat se behra war maqhoor
جن کو کثرت عطا ہوئی حق سے
جن کی رحمت ہے بے حدود و ثغور
Jin ko kasrat ataa hui haq se
Jin ki rehmat hai be hudood o sughoor
وہ کہ ہیں آرزوئے مشتاقاں
وہ کہ ہیں چارۂ دلِ مہجور
Woh ke hain arzoo e mushtaqaan
Woh ke hain chaara-e-dil e mehjoor
وہ کہ ہیں قدسیوں کی جاں کا سکوں
وہ کہ ہیں فرشیوں کے دل کا سُرور
Woh ke hain Qudsiyon ki jaan ka sukoon
Woh ke hain farshiyon ke dil ka suroor
وہ کہ ہیں نورِ دیدۂ افلاک
وہ کہ ہیں راحتِ قلوب و صدور
Woh ke hain noor e deedah e aflaak
Woh ke hain raahat e quloob o sudoor
اُن کے لب سے کسی نے "لاَ" نہ سُنا
وہ کرم آپ کا ہے لَا محصور
Un ke lab se kisi ne "la" na suna
Woh karam aap ka hai la mahsoor
جن کے دامن میں دولتِ کونین
جن کے قدموں میں دو جہاں کے نذور
Jin ke daman mein dolat e konain
Jin ke qadamoun mein do jahan ke nazur
حُسن ہے جن کا مہبطِ انوار
نطق ہے ترجمانِ ربِّ غفور
Husn hai jin ka mahbat-e-anwaar
Nutq hai tarjuman e Rab e ghafoor
لوحِ محفوظ جن کی پیشانی
سب کی تقدیر ہے جہاں مسطور
Lauh e mahfooz jin ki peshaani
Sab ki taqdeer hai jahan mastoor
جن کے رُخ سے ظہُورِ نُورِ قدیم
ہیں جو دانائے معنئ مستور
Jin ke rukh se zahoor e noor e qadeem
Hain jo dana e ma'ni e mastoor
ہر ادا جن کی آیۂ قُرآں
ہر صدا جن کی زیست کا دستور
Har ada jin ki aayah e Qur'an
Har sada jin ki zeest ka dastoor
جن کا منصب محمّدؐ و احمد
جن کی تعریف ذاکر و مذکور
Jin ka mansab Muhammad o Ahmad
Jin ki tareef zaakir o mazkoor
ذات ہے جن کی پیکرِ اسرار
ہیں جو مجمُوعۂ خفا و ظہُور
Zaat hai jin ki paikar e asraar
Hain jo majmuah e khafa o zahoor
ماہ و پرویں ہیں جن کے حلقہ بگوش
انجمن جن کی ایک چشمۂ نُور
Mah o parveen hain jin ke halqa bagosh
Anjuman jin ki ek chashma e noor
ہیں تصرّف میں جن کے لیل و نہار
جن کے زیرِ نگیں سنین و شہور
Hain tasarruf mein jin ke leil o nahar
Jin ke zer e nigeen saneen o shuhoor
بزمِ امکاں میں جن ک دم سے فروغ
جن کی طلعت سے مسّنیر دہور
Bazm e imkaan mein jin ka dam se farogh
Jin ki talab se masneer dahur
سب سے اَوّل حدوث کی صف میں
سب سے آخر ہوا اگرچہ ظہُور
Sab se awwal hudood ki saf mein
Sab se aakhir hua agarcha zahoor
اسی اقلیم کا خُدا ہے خُدا
آپ کی ذات جس کا ہے منشور
Isi Iqleem ka Khuda hai Khuda
Aap ki zaat jis ka hai manshoor
لبِ ادراک دم بخود ، خاموش
محوِ حیرت شعور و تحتِ شعُور
Lab e idraak dam bakhud, khamosh
Mahw e hairat shaoor o tahta e shuoor
جن کے مدّاح انبیائے کرم
جن کا وصّاف آپ ربِّ غفور
Jin ke maddaah anbiya e karam
Jin ka wasafaap Rab e ghafoor
جن کی مدحت سرائیوں کا صِلہ
باغِ فردوس اور نہ حُور و قصُور
Jin ki madah saraiyon ka sila
Baagh e fardos aur na hoor o qasoor
کیا رقم ہو ثنائے ختمِ رُسلؐ
کیا فضائے بسیط ہو محصور
Kya raqam ho sana e khatm e rusul
Kya faza e baseet ho mahsur
ہاں ، جو ہو مجھ کو نطق ارزانی
مجھ کو بھی گر عطا ہو لطفِ حضور
Haan, jo ho mujh ko nutq arzani
Mujh ko bhi gar ataa ho lutf e huzoor
میں بھی کچھ عرضِ مدّعا کرلوں
بخشوالُوں سب اپنے جرم و قصور
Main bhi kuch arz e mudda'a kar loon
Bakhshwa loon sab apne jurm o kusoor
اور کہوں ، اے خزینۂ رحمت
اے کرم گستر و کرم گنجور
Aur kahun, aye khazin e rehmat
Aye karam gastar o karam ganjoor
اے سراپا عطاو رحمتِ کُل
اے خطا بخشِ بندۂ معذور
Aye sarapa aata o rehmat e kul
Aye khata bakhsh e banda e ma'zoor
طَلبِ جاہ اور نہ حرصِ منال
ہَوسِ خُلد ہے نہ خواہشِ حُور
Talab e jaah aur na hirs e manal
Hawas e khuld hai na khwahish e hoor
آپ کا ساتھ چاہتا ہوں میں
دائمی قرب چاہتا ہوں حضورؐ !
Aap ka saath chahta hoon main
Daaimi qurb chahta hoon huzoor!
عرصۂ حشر ہو کہ باغِ اِرم
آپ کی مدح پر رہوں مامور
Arsa e hashra ho ke baagh e iram
Aap ki madh pe rahoon mamoor
Share This Naat
Share with friends and family
مَیں سراپا خطا و فِسق و فجُور
محمد اعظم چشتی