اکھیاں دے نیر جدائی وچہ دن رات وگائے جاندے نیں
خوش بختاں نوں محبوباں دے دیدار کرائے جاندے نیں
Akhiyan de neer judai wich din raat vagae jandey ne
Khush bakhtaan nu mahboobaan de deedar karae jandey ne
اک وار فرشتے روضے تے جو آوندے فیر نہ آوندے نیں
سرکار دے اُمتی نے جہڑے مُڑ مُڑ کے بلائے جاندے نیں
Ik waar farishte roze te jo aonde fir na aonde ne
Sarkar de ummati ne jehde mur mur ke bulae jandey ne
کعبے دا دوارا کیہہ آکھاں روضے دا نظارا کیہہ آکھاں
ایتھے درد سنائے جاندے نیں اوتھے درد ونڈائے جاندے نیں
Kaabay da doara kieh aakhan roze da nazara kieh aakhan
Aithe dard sanae jandey ne othe dard wandae jandey ne
اک جھلک پئی جد یوسفؑ دی ہتھ کٹے عورتاں مصر دیاں
بِن ڈٹھیاں اہدے نام اُتوں کئی سیس کٹائے جاندے نیں
Ik jhalak pai jad Yusuf(a.s.) di hath kate aurtaan Misr diyaan
Bin dithiiaan ehde naam utoan kai sees katae jandey ne
کئی جاگدیاں دی عمر گئی رکھ رکھ کے اڈیکاں یار دیاں
سفنے وچہ آکے کیّاں دے سُتّے لیکھ جگائے جاندے نیں
Kai jaagdian di umar gai rakh rakh ke udeekan yaar diyaan
Sufne wich aake kaian de sute lekh jagae jandey ne
ایہہ عشق ظہوریؔ کئی واری مرنے توں پہلاں مار دا اے
دکھ سہہ کے وی محبوباں دے سو ناز اٹھائے جاندے نیں
Eih ishq Zahoori ra kai wari marne toon pehlan maar da ae
Dukh seh ke vi mahboobaan de so naaz uthaey jandey ne
Share This Naat
Share with friends and family
اکھیاں دے نیر جدائی وچہ دن رات وگائے جاندے نیں
محمد علی ظہوری