ایسی قدرت نے تری صورت سنواری یا رسول
دونوں عالم کو ہوئی یہ شکل پیاری یا رسول
Aisi qudrat ne teri soorat sanwari ya rasool
Dono aalam ko hui ye shakal pyari ya rasool
اے تری رفعت کہ تیرے رب نے کی تجھ کو عطا
تاجدارانِ جہاں کی تاجداری یا رسول
Ae teri rifat ke tere rab ne ki tujh ko ata
Tajdaran-e-jahan ki tajdari ya rasool
ہے کہاں مادر کو الفت اس قدر فرزند سے
تجھ کو ہے امّت کی جتنی پاسداری یا رسول
Hai kahan madar ko ulfat is qadar farzand se
Tujh ko hai umat ki jitni pasdari ya rasool
خوابِ غفلت میں پڑے دن رات ہم سوتے رہے
تم نے کی غم میں ہماری اشکباری یا رسول
Khawab-e-ghaflat mein pade din raat hum sote rahe
Tum ne ki gham mein hamari ashkbaari ya rasool
عاصیوں کی ملحدوں کی مشرک و کفّار کی
تم نے کی دنیا میں سب کی پردہ داری یا رسول
Aasiyon ki mulhidon ki mushrik o kuffar ki
Tum ne ki duniya mein sab ki parda dari ya rasool
اس کو کہتے ہیں محبت حیدرِ کرّار نے
تیرے سونے پر نمازِ عصر واری یا رسول
Is ko kehte hain mohabbat haider-e-karrar ne
Tere sone par namaz-e-asr wari ya rasool
شانِ رحمت جوش میں آئی چھڑایا قید سے
بیکلی کے ساتھ جب ہرنی پکاری یا رسول
Shaan-e-rahmat josh mein aayi chhuraya qaid se
Baikli ke sath jab harni pukari ya rasool
کوئی بھی دنیا و عقبیٰ میں نہیں پرسانِ حال
آس ہے ہم عاصیوں کو بس تمہاری یا رسول
Koi bhi duniya o uqba mein nahi pursan-e-haal
Aas hai hum aasiyon ko bas tumhari ya rasool
ہے فقط اِتنی تمنّائے جمیلِؔ قادری
ہو تری خالص محبت دل میں ساری یا رسول
Hai faqat itni tamanna-e-jamil-e-qadri
Ho teri khalis mohabbat dil mein saari ya rasool
Share This Naat
Share with friends and family
ایسی قدرت نے تری صورت سنواری یا رسول
مرتبِ-محمد شفیع الخطیب اوکاڑوی