پیش خیمہ ہیں تلاطم کا یہ دو چار آنسو
حشر ڈھائیں گے بہ یادِ شہِؐ ابرار آنسو
Paish khaymah hain talatum ka yeh do chaar aansu
Hashr dhayenge be yaad-e-sheh-e-abraar aansu
میری آنکھوں میں مچلتے نہیں بے کار آنسو
داستان ہجرِ نبیؐ کی ہیں یہی چار آنسو
Meri aankhon mein machalte nahin bekaar aansu
Dastaan hijr-e-nabi ki hain yahi chaar aansu
رحم فرمائیں گے اِن سب پہ شفیعِؐ محشر
جب ندامت سے بہائیں گے گنہگار آنسو
Reham farmaenge in sab pe shafi-e-mahshar
Jab nadamat se bahaenge gunahgaar aansu
ضبطِ گِریہ سے زیارت کا کھُلے گا منظر
دمِ دیدار بنے جاتے ہیں دیوار آنسو
Zabt-e-girya se ziaraat ka khule ga manzar
Dam-e-didaar bane jaate hain deewaar aansu
رُوئے محبوبِؐ خدا کی جو مجھے یاد آئی
چمکے آنکھوں میں برنگِ دُرِ شہوار آنسو
Rooy-e-mahboob-e-Khuda ki jo mujhe yaad aayi
Chamke aankhon mein barang-e-dur-e-shehwaar aansu
ہم غریبوں کی یہی نذر ، یہی سرمایہ
پیش کردیں گے پہنچ کر سرِ دربار آنسو
Hum ghariboon ki yahi nazar, yahi sarmaya
Paish kardenge pohanch kar sar-e-darbaar aansu
احترامِ غمِ سرکارؐ کے زنجیری ہیں
حلقۂ چشم میں رہتے ہیں گرفتار آنسو
Ehtram-e-gham-e-sarkar ke zanjeeri hain
Halqa-e-chashm mein rehte hain giraftaar aansu
سوز فرقت سے سُلگ اُٹھتی ہیں آنکھیں میری
شدّتِ غم سے نہ ہو جائیں شرر بار آنسو
Soz-e-furqat se sulag uthti hain aankhein meri
Shiddat-e-gham se na ho jaayein sharar baar aansu
دیکھئے عشقِ محمدؐ میں گریباں کی بہار
کھینچتے رہتے ہیں کیا کیا ’’خطِ گُلزار‘‘ آنسو
Dekhye ishq-e-Mohammad mein garebaan ki bahar
Kheenchte rehte hain kya kya "khat-e-gulzaar" aansu
اپنے دامن میں سمیٹیں گے فرشتے اُن کو
میری آنکھوں سے بہے جو پئے سرکارؐ آنسو
Apne daaman mein sameitengay farishte unko
Meri aankhon se bahe jo piye sarkar aansu
یہ بھی ہے عرضِ تمنّا کا اک انداز نصیرؔ
شاہِ کونینؐ کے غم میں نہیں بے کار آنسو
Yeh bhi hai arz-e-tamanna ka ek andaaz Naseer
Shah-e-kounain ke gham mein nahin bekaar aansu
Share This Naat
Share with friends and family
پیش خیمہ ہیں تلاطم کا یہ دو چار آنسو
سید نصیرالدیں نصیر