رنگ چمن پسند نہ پھولوں کی بو پسند
صحرائے طیبہ ہے دلِ بلبل کو تو پسند
Rung chaman pasand na phoolon ki boo pasand
Sahraye taiba hai dil-e-bulbul ko tu pasand
اپنا عزیز وہ ہے جسے تو عزیز ہے
ہم کو ہے وہ پسند جسے آئے تو پسند
Apna azeez woh hai jise tu azeez hai
Hum ko hai woh pasand jise aaye tu pasand
مایوس ہو کے سب سے میں آیا ہوں تیرے پاس
اے جان کر لے ٹوٹے ہوئے دل کو تو پسند
Mayus ho ke sab se mein aaya hoon tere paas
Ae jaan kar le toote hue dil ko tu pasand
ہیں خانہ زاد بندۂ احساں تو کیا عجب
تیری وہ خو ہے کرتے ہیں جس کو عدو پسند
Hain khana zaad banda-e-ehsan to kya ajab
Teri woh khu hai karte hain jis ko adu pasand
کیونکر نہ چاہیں تیری گلی میں ہوں مٹ کے خاک
دنیا میں آج کس کو نہیں آبرو پسند
Kyun kar na chahen teri gali mein hoon mit ke khaak
Duniya mein aaj kis ko nahi aabroo pasand
ہے خاکسار پر کرمِ خاص کی نظر
عاجز نواز ہے تیری اے خوبرو پسند
Hai khaaksar par karam-e-khaas ki nazar
Aajiz nawaaz hai teri ae khubroo pasand
قل کہہ کر اپنی بات بھی لب سے تِرے سنی
اللہ کو ہے اتنی تری گفتگو پسند
Qul keh kar apni baat bhi lab se tere suni
Allah ko hai itni teri guftagu pasand
حور و فرشتہ جن و بشر سب نثار ہیں
ہے دو جہاں میں قبضہ کئے چار سو پسند
Hoor o farishta jin o bashar sab nisar hain
Hai do jahan mein qabsah kiye chaar so pasand
ان کے گناہگار کی اُمید عفو کو
پہلے کرے گی آیت لَا تَقْنَطُوْا پسند
Un ke gunaahgaar ki umeed-e-aafu ko
Pehle kare gi aayat la taqnattoo pasand
طیبہ میں سر جھکاتے ہیں خاکِ نیاز پر
کونین کے بڑے سے بڑے آبرو پسند
Taiba mein sar jhukate hain khaak-e-niaz par
Kounain ke baray se baray aabroo pasand
ہے خواہشِ وصالِ درِ یار اے حسنؔ
آئے نہ کیوں اَثر کو مری آرزو پسند
Hai khwaahish-e-wisal-e-dar-e-yaar ae Hasan
Aaye na kyun asr ko meri aarzu pasand
Share This Naat
Share with friends and family
رنگ چمن پسند نہ پھولوں کی بو پسند
حسن رضا خان