خیر کی خیرات بھی خیر الورٰی سے مانگنا
کبریا سے مانگنا ہے مصطفؐےٰ سے مانگنا
Khair ki khairaat bhi Khair-ul-Wura se maangna
Kibriya se maangna hai Mustafaye se maangna
دینے والا ہے خدا اور بانٹنے والا رسولؐ
ایک جیسا ہے کسی کی بھی رضا سے مانگنا
Denay wala hai Khuda aur baantnay wala Rasool
Ek jesa hai kisi ki bhi raza se maangna
یہ بھی رحمت وہ بھی رحمت، نام دونوں کا کریم
کیا ہے مشکل ، بندہء مشکل کشا سے مانگنا
Yeh bhi Rehmat woh bhi Rehmat, Naam dono ka Kareem
Kya hai mushkil, bandahay mushkil kusha se maangna
اپنا ایماں ہے کہ زیرِ خاک ہیں زندہ حضورؐ
مانگنی ہے تو بقا اپنی، فنا سے مانگنا
Apna imaan hai ke zeere khaak hain zinda Huzoor
Maangni hai to baqa apni, fana se maangna
دھوپ میں بدلی رہا کرتی تھی سر پر آپؐ کے
کیا غلط ہے ٹھنڈکیں ٹھنڈی ہوا سے مانگنا
Dhoop main badli raha karti thi sar par aap ke
Kya ghalat hai thandakain thandi hawa se maangna
مسلکِ ایمان و دیں ہے مطمعِ اسلام ہے
نقشہء توحید اُن کے نقشِ پا سے مانگنا
Maslak-e-imaan o deen hai matma-e-Islam hai
Naqshaye touheed un ke naqsh-e-pa se maangna
حشر کے دن بھی میّسر ہو شفاعت آپ کی
اس لیے لازم ہے محبوبِ خدا سے مانگنا
Hashr ke din bhi mayassar ho shafaat aap ki
Is liye lazim hai Mehboob-e-Khuda se maangna
آخرت تک کے لیے سیراب ہونا ہے اگر
ایک چھینٹا رحمتِ حق کی گھٹا سے مانگنا
Aakhirat tak ke liye seraab hona hai agar
Ek chhenta rehmat-e-Haq ki ghata se maangna
شرط یہ ہے آپ کی آواز کے پیچھے چلو
منزلیں پھر حسبِ منشا ارتقا سے مانگنا
Shart yeh hai aap ki aawaaz ke peeche chalo
Manzilein phir hasb-e-mansha irtiqa se maangna
بے وسیلہ تو مظفر زندگی ممکن نہیں
توشئہ دانش ہے رستہ رہنما سے مانگنا
Be wasila to Muzaffar zindagi mumkin nahin
Toshahay danish hai rasta rahnuma se maangna
Share This Naat
Share with friends and family
خیر کی خیرات بھی خیر الورٰی
مظفر وارثی