شہرت ہے زمانے میں ترےؐ جاہ وحشم کی
بٹتی ہے ترےؐ شہر میں خیرات کرم کی
Shohrat hai zamane mein tere (ṣ) jah o ḥasham ki
Batti hai tere (ṣ) shehar mein khairat karam ki
آویزاں ہیں سینے میں مدینے کے نظارے
اب دل میں نہیں کوئی جگہ رنج و الم کی
Awezan hain sine mein madine ke nazare
Ab dil mein nahi koi jagah ranj o alam ki
سب سے بڑا مداح ہے خود مالک و مولا
قرآن میں جس نے تریؐ توصیف رقم کی
Sab se bara madah hai khud malik o maula
Quran mein jis ne teri (ṣ) tauseef raqam ki
سرکارؐ کی اوصاف بیانی نے قسم سے!
تقدیر بدل دی ہے مرے حرف و قلم کی
Sarkar (ṣ) ki ausaf bayani ne qasam se!
Taqdeer badal di hai mere harf o qalam ki
مِل جائے گا محشر میں گھنا سایہء رحمت
سینے میں محبت ہے اگر شاہِ اُممؐ کی
Mil jaye ga mahshar mein ghana sayah e rehmat
Sine mein mohabbat hai agar Shah e Ummam (ṣ) ki
کونین کی ہر ایک خوشی ہے اُسے حاصل
جس نے بھی جبیں آپؐ کے دربار میں خم کی
Konain ki har aik khushi hai usse hasil
Jis ne bhi jabeen aap (ṣ) ke darbar mein kham ki
اشفاقؔ ہیں غمخوار مرے شاہِ مدینہؐ
پرواہ کسی دُکھ کی مجھے اور نہ غم کی
Ashfaq (r) hain ghamkhowar mere Shah e Madina (ṣ)
Parwah kisi dukh ki mujhe aur na gham ki
Share This Naat
Share with friends and family
شہرت ہے زمانے میں ترےؐ جاہ وحشم کی
اشفاق احمد غوری