پڑھ کر درودِ پاک ، ثنا کی طرف گیا
ذکر نبی سے ذکرِ خدا کی طرف گیا
Parh kar darood-e-paak, sana ki taraf gaya
Zikr Nabi se zikr-e-Khuda ki taraf gaya
الفت مرے رسول سے ، دارین کی فلاح
ہے سُرخرو جو اہلِ وفا کی طرف گیا
Ulfat mere Rasool se, darain ki falah
Hai surkh-ro jo ahl-e-wafa ki taraf gaya
سدرہ سے آگے روحِ امیں جا نہیں سکے
میرا رسول عرشِ عُلٰی کی طرف گیا
Sidrah se aage rooh-e-ameen ja nahi sakay
Mera Rasool arsh-e-ula ki taraf gaya
زُلف و جمال و اَوج ترا دیکھ کر ، خیال
لیل و نہار و ارض و سما کی طرف گیا
Zulf o jamal o oaj tera dekh kar, khayal
Lail o nahar o arz o sama ki taraf gaya
منگتا ہوں ، مانگنے کا طریقہ سمجھ لیا
قاسم کے در سے ہو کے عطا کی طرف گیا
Mangta hoon, maangne ka tareeqa samajh liya
Qasim ke dar se ho ke ata ki taraf gaya
رنج و الم میں صبر و تحمّل کی راہ پر
ابنِ بتول چل کے رضا کی طرف گیا
Ranj o alam mein sabr o tahammul ki raah par
Ibn-e-batool chal ke raza ki taraf gaya
قدسی بھی کہہ رہے ہیں کہ اے ابنِ مرتضیٰ
کس شان سے تُو کرب و بلا کی طرف گیا
Qudsi bhi keh rahe hain ke aye ibn-e-Murtaza
Kis shaan se tu karb o bala ki taraf gaya
شافع ہیں آپ مجھ کو تسلی ہوئی بہت
جب بھی خیال اپنی خطا کی طرف گیا
Shafi hain aap mujh ko tasalli hui bohat
Jab bhi khayal apni khata ki taraf gaya
اوّل پڑھا درود ترا واسطہ دیا
جب بھی اُٹھائے ہاتھ ، دعا کی طرف گیا
Awwal parhaa darood tera wasita diya
Jab bhi uthaye haath, dua ki taraf gaya
آیا جلیل مانگنے در پر رسول کے
دستِ کرم سخی کا ، سخا کی طرف گیا
Aaya Jaleel maangne dar par Rasool ke
Dast-e-karam sakhi ka, sakha ki taraf gaya
Share This Naat
Share with friends and family
پڑھ کر درودِ پاک ، ثنا کی طرف گیا
حافظ عبدالجلیل