کوئی سلیقہ ہے آرزو کا ، نہ بندگی میری بندگی ہے
یہ سب تمھارا کرم ہے آقاﷺ کہ بات اب تک بنی ہوئی ہے
Koi saleeqa hai aarzu ka, na bandagi meri bandagi hai
Yeh sab tumhara karam hai aaqaﷺ keh baat ab tak bani hui hai
کسی کا احسان کیوں اٹھائیں کسی کو حالات کیوں بتائیں
تمہی سےمانگیں گےتم ہی دو گے، تمھارے در سے ہی لو لگی ہے
Kisi ka ehsaan kyu uthain kisi ko halaat kyu batain
Tumhi se maangen ge tum hi do ge, tumhare dar se hi lo lagi hai
عمل کی میرےاساس کیا ہے، بجز ندامت کےپاس کیا ہے
رہے سلامت بس اُن کی نسبت، میرا تو بس آسرا یہی ہے
Amal ki mere asaas kya hai, bajuz nadamat ke paas kya hai
Rahe salamat bas unki nisbat, mera to bas aasra yahi hai
عطا کیا مجھ کو دردِ اُلفت کہاں تھی یہ پُر خطا کی قسمت
میں اس کرم کےکہاں تھا قابل، حضور کی بندہ پروری ہے
Ata kya mujh ko dard-e-ulfat kahan thi yeh pur khata ki qismat
Mein is karam ke kahan tha qabil, Huzoor ki banda parwari hai
تجلیوں کےکفیل تم ہو ، مرادِ قلب خلیل تم ہو
خدا کی روشن دلیل تم ہو ، یہ سب تمھاری ہی روشنی ہے
Tajalion ke kafeel tum ho, muraad-e-qalb khalil tum ho
Khuda ki roshan daleel tum ho, yeh sab tumhari hi roshni hai
بشیر کہیےنذیر کہیے، انھیں سراج منیر کہیے
جو سر بسر ہے کلامِ ربی ، وہ میرے آقا کی زندگی ہے
Basheer kahiye nazeer kahiye, inhein siiraaj muneer kahiye
Jo sar basar hai kalaam-e-rabbi, woh mere aaqa ki zindagi hai
یہی ہے خالد اساس رحمت یہی ہے خالد بنائے عظمت
نبی کا عرفان زندگی ہے، نبی کا عرفان بندگی ہے
Yahi hai Khalid asaas-e-rehmat yahi hai Khalid banao-e-azmat
Nabi ka irfaan zindagi hai, Nabi ka irfaan bandagi hai
Share This Naat
Share with friends and family
کوئی سلیقہ ہے آرزو کا
خالد محمود خالد