دیکھو مرا نصیب بھی کس اوج پر گیا
یہ کاروبارِ نعت بڑا کام کر گیا
Dekhhu mara naseeb bhi kis ooj par gaya
Yeh karobar-e-naat bara kaam kar gaya
نکلا ہی تھا زبان سے سرکار المدد
غم پاس آرہا تھا نہ جانے کدھر گیا
Nikla hi tha zabaan se sarkaar almadad
Gham paas aaraha tha na jane kidhar gaya
پوچھا کسی نے صدقۂ حسنِ نبی ہے کیا
میرا خیال جانبِ شمس و قمر گیا
Poocha kisi ne sadqa-e-husn-e-nabi hai kya
Mera khayaal janib-e-shams-o-qamar gaya
اس بار مل ہی جائیگا اذنِ سفر ضرور
’’قاصد گیا، نسیم گئی، نامہ بر گیا‘‘
Is baar mil hi jaye ga azn-e-safar zarur
"Qaased gaya, naseem gayi, nama bar gaya"
ناموسِ مصطفےٰ پہ اٹھاتا ہے انگلیاں
ایمان تیرے ہاتھ سے اے بےخبر ! گیا
Naamoos-e-Mustafa par uthata hai ungliyaan
Emaan tere haath se ay be khabar! gaya
سرکار کے جمال پہ جوں ہی نظر پڑی
پھر آسماں کے چاند کا چہرہ اتر گیا
Sarkaar ke jamaal pe ju hi nazar pari
Phir aasman ke chaand ka chehra utar gaya
صورت نہ تھی دکھانے کےقابل مگر، شفیقؔ
سرکار کے کرم سے درِ پاک پر گیا
Soorat na thi dikhanay ke qabile magar, Shafiq
Sarkaar ke karam se dar-e-paak par gaya
Share This Naat
Share with friends and family
دیکھو مرا نصیب بھی کس اوج پر گیا
شفیق ؔ رائے پوری