بُراقِ فکر ہے گردوں نو رد آج کی رات
ہَوا اُڑاتی ہے تاروں کی گرد آج کی رات
Burraq-e-fikr hai gardoon no r-d aaj ki raat
Hawa ur-rati hai taron ki gard aaj ki raat
یہ کون ذہن کے روشن مکان میں اُترا
خیال صُورتِ جبریل دھیان میں اُترا
Ye kon zehan ke roshan makaan mein ut-ra
Khayal surat-e-Jibreel dhyaan mein ut-ra
ہے خم ، رسائی اِنساں پہ فاصلوں کی جبیں
بلندیوں پہ کمندیں اُچھالتی ہے زمیں
Hai kham, r-sai insaan pe faaslon ki jabeen
Bulandiyon pe kamanden uchhaltin hai zameen
یہ رات کیوں نہ ہو افضل تمام راتوں میں
لِیے ہُوئے ہیں اندھیرے ٗ چراغ ہاتھوں میں
Ye raat kyon na ho afzal tamam raaton mein
Liye hue hain andhere, charagh haathon mein
وہ رات ، جس کا زمانہ جواب لا نہ سکے
مِلائے آنکھ تو سُورج بھی تاب لا نہ سکے
Wo raat, jis ka zamana jawab la na sake
Milae aankh to sooraj bhi taab la na sake
وہ رات جس نے حسیں خواب جاگ کر دیکھا
وہ رات جس نے محمّد ؐ کو عرش پر دیکھا
Wo raat jis ne haseen khwab jaag kar dekha
Wo raat jis ne Muhammad ﷺ ko arsh par dekha
گیا تھا عِشق ، خلاؤں کی راہ سے آگے
نِگاہ جاتی ہے حدِّ نگاہ سے آگے
Gaya tha ishq, khalaon ki raah se aage
Nigaah jaati hai hadd-e-nigaah se aage
رُکی رُکی نظر آتی تھی نبض عَالَم کی
گُزر رہی تھی سواری رسُولِ اکرمؐ کی
Ruki ruki nazar aati thi nabz-e-aalam ki
Guzar rahi thi sawari Rasool-e-Akram ﷺ ki
رواں تھے ساتھ فرشتے عبا اُٹھائے ہُوئے
فضائیں ، کتبہء صَلِّ عَلیٰ اُٹھائے ہُوئے
Rawan the saath farishtay aba uthae hue
Fazain, kutba-e-sall-e-ala uthae hue
عروجِ آدمیّت آپ پر تمام ہُوا
خُدا خُود اپنے ہی جلوؤں سے ہمکلام ہُوا
Urooj-e-adamiyyat aap par tamam hua
Khuda khud apne hi jalwon se hum-kalaam hua
تجلیّات کے ہالے میں یُوں گھِرے دونوں
کمان ِ وصل کھِنچی ، مِل گئے سِرے دونوں
Tajalli-yat ke haale mein yun ghire do-no
Kamaan-e-wasl khinchi, mil gaye sire do-no
بلند ایسے نہ رُتبے کسی نبی کے ہُوئے
زہے نصیب کہ ہم اُمّتی اُسی کے ہُوئے
Buland aise na rutbe kisi nabi ke hue
Zahe naseeb ke hum umm-ti usi ke hue
Share This Naat
Share with friends and family
بُراقِ فکر ہے گردوں نو رد آج کی رات
مظفر وارثی