واہ کیا مرتبہ ہوا تیرا
تو خدا کا خدا ہوا تیرا
wah kya martaba hua tera
tu Khuda ka Khuda hua tera
تاج والے ہوں اس میں یا محتاج
سب نے پایا دِیا ہوا تیرا
taaj wale hon is me ya mohtaaj
sab ne paaya diya hua tera
ہاتھ خالی کوئی پھرا نہ پھرے
ہے خزانہ بھرا ہوا تیرا
haath khali koi phira na phiray
hai khazana bhara hua tera
آج سنتے ہیں سننے والے کل
دیکھ لیں گے کہا ہوا تیرا
aaj sunte hain sunne wale kal
dekh lein ge kaha hua tera
اسے تو جانے یا خدا جانے
پیش حق رُتبہ کیا ہوا تیرا
ise tu jaane ya Khuda jaane
pesh haq rutba kya hua tera
گھر ہیں سب بند دَر ہیں سب تیغے
ایک دَر ہے کھلا ہوا تیرا
ghar hain sab band dar hain sab teighe
ek dar hai khula hua tera
کام توہین سے ہے نجدی کو
تو ہوا یا خدا ہوا تیرا
kaam tauheen se hai najdi ko
tu hua ya Khuda hua tera
تاجداروں کا تاجدار بنا
بن گیا جو گدا ہوا تیرا
taajdaron ka taajdar bana
ban gaya jo gada hua tera
اَور میں کیا لکھوں خدا کی حمد
حمد اُسے وہ خدا ہوا تیرا
aur mein kya likhun Khuda ki hamd
hamd use wo Khuda hua tera
جو ترا ہو گیا خدا کا ہوا
جو خدا کا ہوا ہوا تیرا
jo tera ho gaya Khuda ka hua
jo Khuda ka hua hua tera
حوصلے کیوں گھٹیں غریبوں کے
ہے اِرادہ بڑھا ہوا تیرا
Hosle kyu ghatein ghareebon ke
hai irada barha hua tera
ذات بھی تیری اِنتخاب ہوئی
نام بھی مصطفیٰ ہوا تیرا
zaat bhi teri intikhaab hui
naam bhi Mustafa hua tera
جسے تو نے دیا خدا نے دیا
دَین رب کی دِیا ہوا تیرا
jise tu ne diya Khuda ne diya
dain Rab ki diya hua tera
ایک عالم خدا کا طالب ہے
اور طالب خدا ہوا تیرا
ek aalam Khuda ka talib hai
aur talib Khuda hua tera
بزمِ اِمکاں ترے نصیب کھلے
کہ وہ دولھا بنا ہوا تیرا
bazm-e imkaan tere naseeb khule
ke wo dolha bana hua tera
میری طاعت سے میرے جرم فزوں
لطف سب سے بڑھا ہوا تیرا
meri taat se mere jurm fazun
Lutf sab se barha hua tera
خوفِ وَزْنِ عمل کسے ہو کہ ہے
دل مَدد پر تلا ہوا تیرا
Khauf-e wazn-e amal kise ho ke hai
dil madad par tala hua tera
کام بگڑے ہوئے بنا دینا
کام کس کا ہوا ہوا تیرا
kaam bigade hue bana dena
kaam kis ka hua hua tera
ہر ادا دل نشیں بنی تیری
ہر سخن جاں فزا ہوا تیرا
har ada dil nasheen bani teri
har sukhan jaan faza hua tera
آشکارا کمالِ شانِ حضور
پھر بھی جلوہ چھپا ہوا تیرا
aashkara kamal-e shaan-e huzur
phir bhi jalwa chhupa hua tera
پردہ دارِ اَدا ہزار حجاب
پھر بھی پردہ اُٹھا ہوا تیرا
parda dar-e ada hazaar hijab
phir bhi parda utha hua tera
بزمِ دنیا میں بزمِ محشر میں
نام کس کا ہوا ہوا تیرا
bazm-e dunya me bazm-e mahshar me
naam kis ka hua hua tera
مَنْ رَّاٰنِیْ فَقَدْ رَاَی الْحَقّ
حسن یہ حق نما ہوا تیرا
man ra-ani faqad ra-al haq
hasan ye haq numa hua tera
بارِ عصیاں سروں سے پھینکے گا
پیش حق سر جھکا ہوا تیرا
baar-e asiyaan saron se phenke ga
pesh haq sar jhuka hua tera
یم جودِ حضور پیاسا ہوں
یم گھٹا سے بڑھا ہوا تیرا
yam jood-e huzur piyasa hoon
yam ghata se barha hua tera
وَصل وَحدت پھر اُس پہ یہ خلوت
تجھ سے سایہ جدا ہوا تیرا
wasl wahdat phir us pe ye khalwat
tujh se saaya juda hua tera
صنع خالق کے جتنے خاکے ہیں
رنگ سب میں بھرا ہوا تیرا
sanae khaliq ke jitne khaake hain
rang sab me bhara hua tera
اَرضِ طیبہ قدومِ والا سے
ذَرَّہ ذَرَّہ سما ہوا تیرا
arz-e tayyiba qadoom-e wala se
zarrah zarrah sama hua tera
اے جناں میرے گل کے صدقے میں
تختہ تختہ بسا ہوا تیرا
aye janaan mere gul ke sadke me
takhta takhta basa hua tera
اے فلک مہر حق کے باڑے سے
کاسہ کاسہ بھرا ہوا تیرا
aye falak mehr-e haq ke bare se
kasa kasa bhara hua tera
اے چمن بھیک ہے تبسم کی
غنچہ غنچہ کھلا ہوا تیرا
aye chaman bheek hai tabassum ki
ghuncha ghuncha khila hua tera
ایسی شوکت کے تاجدار کہاں
تخت تختِ خدا ہوا تیرا
aisi shaukat ke taajdar kahan
takht takht-e Khuda hua tera
اس جلالت کے شہریار کہاں
مُلک مُلکِ خدا ہوا تیرا
is jalalat ke shehriyar kahan
mulk mulk-e Khuda hua tera
خلق کہتی ہے لامکاں جس کو
شہ نشیں ہے سجا ہوا تیرا
khalq kehti hai laamakan jise
shaheenashin hai saja hua tera
زِیست وہ ہے کہ حسن یار رہے
دِل میں عالم بسا ہوا تیرا
zeest wo hai ke Hasan yaar rahe
dil me aalam basa hua tera
موت وہ ہے کہ ذِکر دوست رہے
لب پہ نقشہ جما ہوا تیرا
maut wo hai ke zikr dost rahe
lab pe naqsha jama hua tera
ہوں زمیں والے یا فلک والے
سب کو صدقہ عطا ہوا تیرا
hon zameen wale ya falak wale
sab ko sadqa ata hua tera
ہر گھڑی گھر سے بھیک کی تقسیم
رات دن دَر کھلا ہوا تیرا
har ghadi ghar se bheek ki taqseem
raat din dar khula hua tera
نہ کوئی دَوسرا میں تجھ سا ہے
نہ کوئی دوسرا ہوا تیرا
na koi doosra mein tujh sa hai
na koi doosra hua tera
سوکھے گھاٹوں مرا اُتار ہو کیوں
کہ ہے دریا چڑھا ہوا تیرا
sookhe ghaaton mera utaar ho kyu
ke hai dariya chadha hua tera
سوکھے دھانوں کی بھی خبر لے لے
کہ ہے بادَل گھرا ہوا تیرا
sookhe dhaanon ki bhi khabar le le
ke hai baadal ghara hua tera
مجھ سے کیا لے سکے عدو اِیماں
اور وہ بھی دِیا ہوا تیرا
mujh se kya le sake adu eemaan
aur wo bhi diya hua tera
لے خبر ہم تباہ کاروں کی
قافلہ ہے لٹا ہوا تیرا
le khabar hum tabah karron ki
qafila hai luta hua tera
مجھے وہ دَرد دے خدا کہ رہے
ہاتھ دِل پر دَھرا ہوا تیرا
mujhe wo dard de Khuda ke rahe
haath dil par dhara hua tera
تیرے سر کو ترا خدا جانے
تاجِ سر نقش پا ہوا تیرا
tere sar ko tera Khuda jaane
taaj-e sar naqsh-e pa hua tera
بگڑی باتوں کی فکر کر نہ حسنؔ
کام سب ہے بنا ہوا تیرا
bigri baaton ki fikar kar na Hasan
kaam sab hai bana hua tera
Share This Naat
Share with friends and family
واہ کیا مرتبہ ہوا تیرا
حسن رضا خان