اے شافعِ محشر شہِ ابرار اغثنی
ہیں آپ سہارا مرے سرکار اغثنی
Ae shafi'e mahshar sheh e abrar aghisni
Hain aap sahara mere saarkar aghisni
مل جائیں مقدر سے مجھے وصل کی گھڑیاں
کرتی ہے دعا ہجر کی بیمار اغثنی
Mil jayein muqaddar se mujhe vasl ki ghariyan
Karti hai dua hijr ki beemaar aghisni
اے کاش کہ آجائے مدینے سے بلاوا
پھر دیکھ لوں وہ گنبد و مینار اغثنی
Ae kash ke aajaye madine se bulawa
Phir dekh lun vo gumbad o menaar aghisni
عاصی پہ کرم اتنے کئے شاہِ امم نے
اک بار پکارا مرے غمخوار اغثنی
Aasi pe karam itne kiye shah e umam ne
Ek baar pukara mere ghamkhwar aghisni
کشتی مری عصیاں کے طلاطم میں گھری ہے
ہوں آ پ کی رحمت کی طلبگار اغثنی
Kashti meri asiyan ke talatum mein ghari hai
Hun aap ki rehmat ki talabgar aghisni
ہو جائے مجھے آپ کا دیدار کسی شب
اس نیند سے ہو ناز نہ بیدار اغثنی
Ho jaye mujhe aap ka deedaar kisi shab
Is neend se ho naaz na bedaar aghisni
دن رات مرے آپ کی مدحت میں بسر ہوں
کر دیجے عطا نعت کے اشعار اغثنی
Din raat mere aap ki madhat mein basar hun
Kar dije ata naat ke ash'ar aghisni
آقا کی اطاعت میں ہی گزرے مرا جیون
ہو جائے حسیں ناز کا کردار اغثنی
Aaqa ki ita'at mein hi guzre mera jeevan
Ho jaye haseen naaz ka kirdar aghisni
Share This Naat
Share with friends and family
اے شافعِ محشر شہِ ابرار اغثنی
صفیہ ناز