ہر عہد ہر مقام کے سلطان آپؐ ہیں
خوشبو ہے جس کا جسم وہ انسان آپؐ ہیں
har ehad har maqam ke sultan aapؐ hain
khushbu hai jis ka jism wo insaan aapؐ hain
ہر معتبر کتاب ہے منسوب آپؐ سے
ہر معتبر کتاب کا عنوان آپؐ ہیں
har mutabar kitaab hai mansoob aapؐ se
har mutabar kitaab ka unwan aapؐ hain
وہ پیکر جمیل ہے پہچان آپؐ کی
اُس پیکر جمیل کی پہچان آپؐ ہیں
woh paikar jameel hai pehchaan aapؐ ki
us paikar jameel ki pehchaan aapؐ hain
دم توڑ دے اگر ہو جُدا آپؐ سے زمیں
سب سے بڑے زمین کے مہمان آپؐ ہیں
dum tor de agar ho juda aapؐ se zameen
sab se baday zameen ke mehmaan aapؐ hain
چُپ ہوں تو جیسے کعبہ کھڑا ہو نماز میں
بولیں تو حَرف حرف ہی قرآن آپؐ ہیں
chup hoon to jaise Kaaba khara ho namaaz mein
bolein to haraf haraf hi Quran aapؐ hain
دیکھا نہیں کسی نے جسے آپؐ کے سوا
اس لازوال حُسن کی برہان آپؐ ہیں
dekha nahi kisi ne jise aapؐ ke siwa
is la-zawaal husn ki burhaan aapؐ hain
رکھ کر میں صبح و شام دُعاؤں کی رحل پر
پڑھتا ہوں جس کو روز وہ قرآن آپؐ ہیں
rakh kar mein subh-o-shaam duaaon ki rahl par
parhta hoon jis ko roz wo Quran aapؐ hain
انجم پہ رحمتوں کی نوازش ہو بار بار
اُس کے لیے تو سُورۂ رحمان آپؐ ہیں
Anjum pe rehmaton ki nawazish ho baar baar
us ke liye to Surah-e-Rahmaan aapؐ hain
Share This Naat
Share with friends and family
ہر عہد ہر مقام کے سلطان آپؐ ہیں
انجم نیازی