نعت شانِ رسولِؐ اکرم میں
ہے دھیانِ رسولِؐ اکرم میں
Naat shan-e-Rasool-e-Akram mein
hai dhiyan-e-Rasool-e-Akram mein
نور کا سلسلہ ہے آدمؑ تک
رفتگانِ رسولِؐ اکرم میں
Noor ka silsila hai adam tak
raftgaan-e-Rasool-e-Akram mein
متنِ قرآں کی ایک اک آیت
ہے زبانِ رسولِؐ اکرم میں
Matn-e-Qur'an ki aik aik aayat
hai zuban-e-Rasool-e-Akram mein
کاش اپنا شمار ہو جائے
عاشقانِ رسولِؐ اکرم میں
Kaash apna shumar ho jaaye
aashiqan-e-Rasool-e-Akram mein
رحمتیں ، جنتیں ہر اک جانب
ہیں جہانِ رسولِؐ اکرم میں
Rehmatin, Jannatin har aik janib
hain jahan-e-Rasool-e-Akram mein
بچیاں دف بجاتی دیکھی ہیں
طالبانِ رسولِؐ اکرم میں
Bachiyan daff bajati dekhi hain
taliban-e-Rasool-e-Akram mein
رب نے معجز نمایاں رکھیں
نعت خوانِ رسولِؐ اکرم میں
Rab ne mojiz numayan rakhi
naat khuwan-e-Rasool-e-Akram mein
ہر گلِ تر ہے تا ابد تازہ
گلستانِ رسولِؐ اکرم میں
Har gul-e-tar hai ta abad taza
gulistan-e-Rasool-e-Akram mein
سب مظاہر ہیں دوستی کے عظیم
دوستانِ رسولِؐ اکرم میں
Sab mazahir hain dosti ke azeem
dostan-e-Rasool-e-Akram mein
ہر ستارہ ہے ضو فشاں طاہرؔ
آسمانِ رسولِؐ اکرم میں
Har sitara hai zo fishaan Tahir
aasman-e-Rasool-e-Akram mein
Share This Naat
Share with friends and family
نعت شانِ رسولِؐ اکرم میں
پروفیسر محمد طاہر صدیقی