اس خوش نصیب شخص کو رب کا سلام ہے
مقصود جس کا مدحتِ خیرالانام ہے
Is khush naseeb shakhs ko Rab ka salam hai
Maqsood jis ka madad e khair ul anam hai
کیسے خیالِ حسنِ نبی میں نہ وہ رہے
حسّان جس کے فکر و نظر کا امام ہے
Kaisay khayal e husn e nabi main na woh rahay
Hassan jis ke fiqr o nazar ka imam hai
جنت بھی چشمِ زائرِ طیبہ کو دیکھ کر
بولی تمہارے ذوقِ نظر کو سلام ہے
Jannat bhi chasham e zaair e tayyiba ko dekh kar
Boli tumhare zauq e nazar ko salam hai
کیوں نا حصارِ مدحِ پیمبر میں ہی رہیں
دنیا میں مختصر سا ہمارا قیام ہے
Kyun na hisar e madah e paighambar main hi rahain
Dunya main mukhtasir sa humara qayam hai
معشوق ہوں جو ماہِ عرب کی ادائیں ، پھر
عاشق کی تشنگی کو بھلا کب دوام ہے
Mashooq hoon jo mah e Arab ki adain, phir
Ashiq ki tashnagi ko bhala kab dawam hai
اُن کے حضور دل کا دھڑکنا بھی شور ہے
اہلِ ادب سے پوچھو تو یہ بھی حرام ہے
Un ke huzoor dil ka dharakna bhi shor hai
Ahl e adab se poochho to yeh bhi haram hai
یہ سوچ کر بڑھیں کہ یہ ہے مسکنِ حضور
تاریکیوں کو دل سے اگر کوئی کام ہے
Yeh soch kar barhein ke yeh hai maskan e huzoor
Tariqiyon ko dil se agar koi kaam hai
اُس خاندان پر نہ زباں کھولنا کبھی
ہر طفل پیدا ہوتے ہی جس کا امام ہے
Us khandan par na zaban kholna kabhi
Har tifl paida hotay hi jis ka imam hai
خوشبو طوافِ قلبِ تبسم نہ کیوں کرے
مدحِ نبی کی سمت یہ محوِ خرام ہے
Khushboo tawaaf e qalb e tabassum na kyon karay
Madh e nabi ki simt yeh mawh e kharam hai
Share This Naat
Share with friends and family
اس خوش نصیب شخص کو رب کا سلام ہے
حافظ محمد ابوبکر تبسمؔ