کسی سکندر سے کم نہیں ہیں کہ ہم گدا ہیں در نبی کے
بڑے مزے سے گذر رہی ہے بڑے کرم ہیں مرے سخی کے
Kisi sikandar se kam nahi hain ke hum gada hain dar nabi ke
Baday maze se guzar rahi hai baday karam hain mere sakhi ke
کسی کا در دیکھتے نہیں ہیں کسی سے بھی مانگتے نہیں ہیں
بڑے غنی ہیں بڑے سخی ہیں فقیر آقا تری گلی کے
Kisi ka dar dekhte nahi hain kisi se bhi mangte nahi hain
Baday ghani hain baday sakhi hain faqeer aaqa teri gali ke
نہ حال دل غیر سے کہیں گے تمہارے در پر پڑے رہیں گے
تری گلی کے ہیں ہم بھکاری اُٹھائیں احسان کیوں کسی کے
Na haal e dil ghair se kahenge tumhare dar par pare rahenge
Teri gali ke hain hum bhikari uthayein ehsaan kyu kisi ke
جو مرے اپنے نصیب ہارے ترے کرم نے دیئے سہارے
ترے کرم کے نثار جاؤں رہے نہ احساس تک کمی کے
Jo mere apne naseeb haare tere karam ne diye saahare
Tere karam ke nisaar jaoon rahe na ehsas tak kami ke
خدا کرے تم حرم میں پہنچو کرم سے باب کرم میں پہنچو
قسم خدا کی ہے میرا دعوی سرور آئیں گے بندگی کے
Khuda kare tum haram mein pahucho karam se baab e karam mein pahucho
Qasam khuda ki hai mera daawa sarwar aaenge bandagi ke
نظر میں جلوے ہوں جالیوں کے لبوں پہ نعتوں کے ہوں ترانے
خُدا کرے کہ طویل تر ہوں زمانے میری وہ حاضری کے
Nazar mein jalway hon jaalion ke labon pe naaton ke hon taraane
Khuda kare ke taweel tar hon zamane meri woh haazri ke
مزے جو لوٹے مدینے جا کے بیاں نیازی کروں وہ کیسے
بڑے نرالے بڑے حسیں تھے وہ چار دن میری زندگی کے
Maze jo lote madine ja ke bayan Niyazi karoon woh kaise
Baday nirale baday haseen the woh chaar din meri zindagi ke
Share This Naat
Share with friends and family
کسی سکندر سے کم نہیں ہیں کہ ہم گدا ہیں در نبی کے
عبدالستار نیازی