ہر شے میں ہے نورِ رُخِ تابانِ محمد
ہر پھول میں خوشبوئے گلستانِ محمد
har shay mein hai noor-e-rukh-e-taaban-e-Muhammad
har phool mein khushbuey gulistan-e-Muhammad
اللہ نے محبوب کو بے مثل بنایا
ممکن ہی نہیں ہو کوئی ہم شانِ محمد
Allah ne mehboob ko be-misl banaya
mumkin hi nahin ho koi ham shan-e-Muhammad
مخلوق کو معلوم ہو کیا اُن کی حقیقت
رب عَزَّوَجَل جانتا ہے شانِ محمد
makhlooq ko maloom ho kya un ki haqeeqat
Rab Azza wa Jal jaanta hai shan-e-Muhammad
آسکتا ہے کب ہم سے گنواروں کو ادب وہ
جیسا کہ ادب کرتے تھے یارانِ محمد
aaskta hai kab hum se ganwaaroon ko adab woh
jaisa ke adab karte the yaaraan-e-Muhammad
سینہ ہے وہی جس میں نبی کی ہو محبت
ہے آنکھ وہی جو کہ ہے جویانِ محمد
seena hai wohi jismain nabi ki ho mohabbat
hai aankh wohi jo ke hai joyaan-e-Muhammad
وہ دِل ہی نہیں جو نہ جھکے سوئے مَدینہ
وہ سر ہی نہیں جو نہ ہو قربانِ محمد
woh dil hi nahin jo na jhuke soye Medina
woh sar hi nahin jo na ho qurbaan-e-Muhammad
اَعدا کی شقاوَت کہ ہوئے آپ کے منکر
اور سنگ و شجر تابعِ فرمانِ محمد
a’ada ki shaqawat ke hue aap ke munkir
aur sang o shajar taabeh-e-farman-e-Muhammad
محبوبِ خدا حاکم مخلوقِ الٰہی
مخلوقِ خدا تابع فرمانِ محمد
mehboob-e-Khuda hakim makhlooq-e-ilahi
makhlooq-e-Khuda taabeh-e-farman-e-Muhammad
تفسیر نے لَوْلَاکَ لَمَا کی یہ پکارا
وہ کون ہے جس پر نہیں احسانِ محمد
tafseer ne "lowlaka lama" ki yeh pukaara
woh kaun hai jis par nahin ehsan-e-Muhammad
رہتا ہے فلک جس کے طوافوں میں شب و روز
واللہ وہ ہے گنبد ایوانِ محم
rehta hai falak jiske tawaafon mein shab o roz
Wa Allah woh hai gunbad e ewaan-e-Muhammad
عشاق سمجھتے ہیں اسے گلشن جنت
کہتے ہیں جسے لوگ بیابانِ محمد
ashaaq samajhte hain ise gulshan jannat
kehte hain jise log beaban-e-Muhammad
چلتا ہے جو زائر تو یہ کہتے ہیں فرشتے
دیکھو وہ چلا آتا ہے مہمانِ محمد
chalta hai jo zaair to yeh kehte hain farishte
dekho woh chala aata hai mehmaan-e-Muhammad
شیروں پہ شرف رکھتے ہیں دَربار کے کتے
شاہوں سے بھی بڑھ کر ہیں گدایانِ محمد
shero pe sharaf rakhte hain darbaar ke kuttay
shaahon se bhi barh kar hain ghadayaan-e-Muhammad
لاشہ مرا طیبہ کے بیاباں میں پڑا ہو
اور رُوح بنے بلبل بستانِ محمد
laasha mera Taiba ke beaban mein para ho
aur ruh bane bulbul basta-e-Muhammad
کیا پوچھتے ہو مجھ سے نکیرین لحد میں
لو دیکھ لو دِل چیر کے اَرمانِ محمد
kya poochhte ho mujh se Nakireen lahad mein
lo dekh lo dil cheer ke arman-e-Muhammad
ٹکراؤں گا سر تختۂ مرقد سے لحد میں
یاد آئے گا جس وقت بیابانِ محمد
takraun ga sar takhta-e-marqad se lahad mein
yaad aayega jis waqt beaban-e-Muhammad
کیوں ان کے غلاموں کو ہو ڈر حشر و لحد کا
ہاتھوں میں ہیں تھامے ہوئے دامانِ محمد
kyoon un ke ghulaamon ko ho darr hashr o lahad ka
haathon mein hain thaame hue daaman-e-Muhammad
قیدی کو چھڑا دیتا ہے ایک اُن کا اشارہ
مجرم کو چھپا لیتے ہیں دامانِ محمد
qaidi ko chhuda deta hai ek un ka ishaara
mujrim ko chhupa lete hain daaman-e-Muhammad
یارب یہ تمنا ہے کہ تاحشر کہیں پر
چھوٹے نہ مرے ہاتھ سے دامانِ محمد
Ya Rab yeh tamanna hai ke ta hashar kaheen par
chhote na mere haath se daaman-e-Muhammad
پہلے ہی خدا حکم قیامت میں یہ دے گا
جنت میں چلے جائیں گدایانِ محمد
paehle hi Khuda hukum qayamat mein yeh de ga
jannat mein chale jayein ghaddayaan-e-Muhammad
ہم جائیں گے فردوس میں رضواں سے یہ کہہ کر
روکو نہ ہمیں ہم ہیں غلامانِ محمد
hum jayein ge Firdous mein Rizwaan se yeh keh kar
roko na humein, hum hain ghulamaan-e-Muhammad
توصیف و ثنا لکھے جمیلؔ رضوی کیا
جب صانع مطلق ہے ثنا خوانِ محمد
tauseef o sana likhe Jameel Razvi kya
jab saa’ne mutlaq hai sana khwan-e-Muhammad
Share This Naat
Share with friends and family
ہر شے میں ہے نورِ رُخِ تابانِ محمد
جمیل الرحمن قادری