حیات حبِ نبی میں اگر گزر جائے
تو یہ جہاں ہی نہیں آخرت سنور جائے
Hayaat hub-e-nabi mein agar guzar jaye
To yeh jahan hi nahi aakhirat suwar jaye
نگاہِ فیضِ رسالت جدھر جدھر جائے
بہارِ رحمتِ حق بھی ادھر ادھر جائے
Nigaah-e-faiz-e-risaalat jidhar jidhar jaye
Bahar-e-rehmat-e-haq bhi udhar udhar jaye
خدا کے خوف سے معمور جس کا سینہ ہے
جہانِ ظلم سے ممکن نہیں وہ ڈر جائے
Khuda ke khauf se mamoor jis ka seenah hai
Jahaan-e-zulm se mumkin nahi woh dar jaye
نبی سے عشق کا ہو جائے مستند دعویٰ
عمل سے تیرا جو کردار بھی نکھر جائے
Nabi se ishq ka ho jaye mustanad dawa
Amal se tera jo kirdaar bhi nikhhar jaye
اگر نبی کے وسیلے سے مانگ لے تو دعا
سفینہ نرغۂ گرداب سے ابھر جائے
Agar nabi ke waseele se maang le to dua
Safeena narghah-e-gardaab se ubhar jaye
حضور کا جو ہے گستاخ جنتی ہی نہیں
دیارِ پاکِ نبی میں جیے کہ مر جائے
Huzoor ka jo hai gustaakh jannati hi nahi
Diyaar-e-paak-e-nabi mein jiye keh mar jaye
بغیر حبِ نبی آرزو نہ کر اس کی
نبی کے شہر میں یہ زندگی گزر جائے
Baghair hub-e-nabi aarzu na kar uski
Nabi ke shehar mein yeh zindagi guzar jaye
ہے وقت اسوۂ آقا میں ڈھال لے خود کو
نہ جانے چلتی ہوئی سانس کب ٹھہر جائے
Hai waqt uswa-e-aqa mein dhaal le khud ko
Na jaane chalti hui saans kab theher jaye
عمل سے بن جا تو شیدائیِ نبی احسؔن
جو چاہتا ہے مقدر ترا سنور جائے
Amal se ban ja tu shedaayi-e-nabi Ahsan
Jo chahta hai muqaddar tera suwar jaye
Share This Naat
Share with friends and family
حیات حبِ نبی میں اگر گزر جائے
احسن اعظمی