جامِ وحدت ساقیٔ کوثر کے پیمانے کا نام
حشر تک روشن رہے گا ان کے مے خانے کا نام
Jaam-e-Wahdat Saqi-e-Kausar ke paimane ka naam
Hashr tak roshan rahe ga un ke maykhane ka naam
ہے طریقتِ درحقیقت جستجو سرکارؐ کی
اور شریعت ان کے نقشِ پایہ مٹ جانے کا نام
Hai tareeqat darhaqeeqat justaju Sarkarؐ ki
Aur shariat un ke naqsh-e-paaya mit jane ka naam
صورتِ شمع حقیقت میں ہے تصویرِ وفا
عشق کی تفسیر ہے دراصل پروانے کا نام
Soorat-e-shama haqeeqat mein hai tasveer-e-wafa
Ishq ki tafseer hai darasl parwane ka naam
جائے سدرہ نور کی مخلوق کا ہے منتہیٰ
عظمتِ خیر البشرؐ ہے آگے بڑھ جانے کا نام
Jaye Sidrah noor ki makhlooq ka hai muntaha
Azmat-e-Khair-ul-Basharؐ hai aage badh jane ka naam
عاشقوں کے دین میں ہے زندگی قربِ حبیبؐ
موت ہے محبوب کی محفل سے اٹھ جانے کا نام
Aashiqon ke deen mein hai zindagi qurb-e-Habibؐ
Maut hai Mahboob ki mehfil se uth jane ka naam
بے خبر کب تک رہے گا راہ و رسمِ عشق سے
ہے ظہوریؔ بھی تو آخر ان کے دیوانے کا نام
Bekhabar kab tak rahe ga raah o rasm-e-ishq se
Hai Zahooriؔ bhi to aakhir un ke deewane ka naam
Share This Naat
Share with friends and family
جامِ وحدت ساقیٔ کوثر کے پیمانے کا نام
محمد علی ظہوری