حاصلِ زیست ہے اُس نُور شمائل کی تلاش
چشمِ مشتاق کو ہے جلوۂ کامل کی تلاش
Haasil-e-zeest hai us noor-e-shumail ki talash
Chshm-e-mushtaq ko hai jalwa-e-kaamil ki talash
گرمیٔ دشتِ عرب امرِ مُسلَّم، لیکن
اِتنی آساں بھی نہیں صاحبِ محمل کی تلاش
Garmi-e dasht-e Arab amr-e-musallam, laikin
Itni asaan bhi nahin saahib-e-mahmil ki talash
جس نے کُل محفلِ عالَم کو اُجالا بخشا
آج پھر ہے اُسی زینت دہِ محفل کی تلاش
Jis ne kul mehfil-e-aalam ko ujala bakhsha
Aaj phir hai usi zeenat deh-e-mehfil ki talash
مِل سکا کفر کی ظلمات میں کب نُورِ خدا
حق کہاں اور کہاں دیدۂ باطل کی تلاش
Mil saka kufr ki zulmaat mein kab noor-e-Khuda
Haq kahaan aur kahaan deedah-e-batil ki talash
آپؐ کی موجِ کرم کا وہ سہارا ڈھونڈے
جس سفینے کو ہو طوفان میں ساحل کی تلاش
Aap ki mauj-e-karam ka woh sahara dhoonde
Jis safeene ko ho toofaan mein saahil ki talash
دامنِ سیِّدؐ ابرار سے وابستہ ہُوں
نہ شفاعت کا مجھے غم، نہ وسائل کی تلاش
Daman-e-sa'id abrar se wabasta hoon
Na shafaat ka mujhe gham, na wasail ki talash
وہی محشر میں بھی اُمّت کا سہارا ہوگا
کام آئے گی اُسی رحمتِ کامل کی تلاش
Wohi mahshar mein bhi ummat ka sahara hoga
Kaam aayegi usi rehmat-e-kaamil ki talash
جذبہ شوق میں بہکے ہوئے پڑتے ہیں قدم
کھوئے دیتی ہے مجھے راہ میں منزل کی تلاش
Jazba-e-shauq mein behke hue padte hain qadam
Khoye deti hai mujhe raah mein manzil ki talash
مشعلِ راہ بنالے وہ تری سیرت کو
جس کسی کو ہو کسی رہبرِ کامل کی تلاش
Mashal-e-raah banale woh teri seerat ko
Jis kisi ko ho kisi rahbar-e-kaamil ki talash
حاضری اُس درِ دُربار کی مشکل ہی سہی
جان دینی ہو تو آسان ہے مشکل کی تلاش
Haaziri us dar-e-darbaar ki mushkil hi sahi
Jaan deni ho to aasan hai mushkil ki talash
آگیا ہُوں درِ مولاؐئے دو عالَم پہ نصیرؔ
للہِ اَلْحَمْد کہ ہے پیشِ نظر دل کی تلاش
Aagaya hoon dar-e-Moulaaye do aalam pe Naseer
Lillah Alhamd ke hai peshe nazar dil ki talash
Share This Naat
Share with friends and family
حاصلِ زیست ہے اُس نُور شمائل کی تلاش
سید نصیرالدیں نصیر