کوئی تسکیں نہ ملی اور نہ دوا کام آئی
ہر کڑے وقت میں آقاؐ کی ثنا کام آئی
koi taskeen na mili aur na dawa kaam aai
har karay waqt main aqa ki sana kaam aai
ظلمتوں نے جہاں ماحول کو آلودہ کیا
ذکر سرکار سے جو مہکی فضا، کام آئی
zulmatoon ne jahan mahol ko alooda kiya
zikr-e-sarkar se jo mehki fizaa, kaam aai
اٹھے طوفان کئی بار سفینے ڈوبے
رخ بدلنے کو مدینے کی ہوا کام آئی
uthe toofan kai baar safeene dobay
rukh badalne ko madinay ki hawa kaam aai
سب طبیبوں کی جہاں چارہ گری ختم ہوئی
ان کے قدموں کی وہاں خاکِ شفا کام آئی
sab tabeebon ki jahan chara gari khatam hui
un ke qadmon ki wahan khaak-e-shifa kaam aai
نعت بیمار کی سننے کے لئے آپ ؐ آئے
اچھا کرنے کے لئے ان کی ردا کام آئی
naat bemar ki sunne ke liye aap aaye
achha karne ke liye un ki rida kaam aai
صوت کا حسن بھی اظہار کو زینت بخشے
پیش سرکار ؐ مگر دل کی صدا کام آئی
saut ka husn bhi izhar ko zeenat bakhshay
paish sarkar magar dil ki sada kaam aai
جاکے غاروں میں مرے واسطے رونے والے
حشر میں سب کے لئے تیری دعا کام آئی
jaake gharoron mein mare wastay rone wale
hashar mein sab ke liye teri dua kaam aai
روز محشر نہ ظہوریؔ تھا ککوئی زادِ عمل
سرور ؐ دیں کے تبسم کی ادا کام آئی
roz-e-mahshar na zahoori tha koi zaad-e-amal
sarwar-e-deen ke tabassum ki ada kaam aai
Share This Naat
Share with friends and family
کوئی تسکیں نہ ملی اور نہ دوا کام آئی
محمد علی ظہوری