کرم ان کا نہیں تو اور کیا ہے
جو بے مانگے گدا کو مل رہا ہے
Karam un ka nahi to aur kya hai
Jo be maange gda ko mil raha hai
میں کیا جانوں ہوں شاہانِ جہاں کو
میرے دامن میں صدقہ آپ کا ہے
Main kya jaanun hoon shaahan-e-jahan ko
Mere daaman mein sadqa aap ka hai
جو میرے چاہنے والے ہیں لاکھوں
کسی مردِ قلندر کی دعا ہے
Jo mere chaahne wale hain lakho
Kisi mard-e-qalander ki dua hai
نشہ اتنا نہیں دیکھا کسی میں
نشہ جتنا نبی کی نعت کا ہے
Nasha itna nahi dekha kisi mein
Nasha jitna Nabi ki naat ka hai
ادب کا ہاتھ سے دامن نہ چھوٹے
کہ یہ دربارِ محبوب خدا ہے
Adab ka haath se daaman na chhoote
Ke ye darbar-e-mehboob Khuda hai
نبی کا نام لیوا ہوں ازل سے
یہی اک مختصر میرا پتہ ہے
Nabi ka naam lewa hoon azal se
Yahi ek mukhtasar mera pata hai
میں مشکل میں کسی کو کیوں پکاروں
مجھے میرے نبی کا آسرا ہے
Main mushkil mein kisi ko kyun pukarun
Mujhe mere Nabi ka aasra hai
ہوئی اس پر نبی کی چشم رحمت
جو محفل میں نبی کی آ گیا ہے
Hui is par Nabi ki chashm-e-rehmat
Jo mehfil mein Nabi ki aa gaya hai
کریمی ہے کریم دو جہاں کی
مجھے جو کچھ ملا جتنا ملا ہے
Kareemi hai Karim do jahan ki
Mujhe jo kuch mila jitna mila hai
میں جو کچھ ہوں وہ سب کچھ جانتے ہیں
میں کیا ہوں اور میری اوقات کیا ہے
Main jo kuch hoon woh sab kuch jaante hain
Main kya hoon aur meri auqaat kya hai
نظر سب پر ہے اور سب کی خبر ہے
میرا آقا شہ ارض و سما ہے
Nazar sab par hai aur sab ki khabar hai
Mera aaqa Sheh arz o sama hai
خبر کر دو یہ میرے حاسدوں کو
میرے لج پال کی مجھ پر عطا ہے
Khabar kar do yeh mere hasidon ko
Mere Lajpal ki mujh par ata hai
بجھا سکتے نہیں طوفاں اس کو
دیا اُن کے کرم کا جل رہا ہے
Bujha sakte nahi toofan us ko
Diya un ke karam ka jal raha hai
حضور اپنے ہی دروازے پہ رکھنا
نیازی کی یہی اک التجا ہے
Huzoor apne hi darwaze pe rakhna
Niazi ki yahi ek iltija hai
Share This Naat
Share with friends and family
کرم ان کا نہیں تو اور کیا ہے
عبدالستار نیازی