درِ دل پر ہوئی دستک تو میں تیری طرف دوڑا
تری یادوں کا دامن پھر کبھی میں نے نہیں چھوڑا
dar-e dil par hui dastak to main teri taraf dorta
teri yaadon ka daaman phir kabhi main ne nahi chhoda
وہ دن کتنا مبارک تھا وہ شب کتنی مقدس تھی
تعلق جب تری بستی ترے اصحاب سے جوڑا
wo din kitna mubarak tha wo shab kitni muqaddas thi
talluq jab teri basti tere as'hab se jora
ہزاروں آندھیاں گزریں ہزاروں زلزلے آئے
غلامی کا تعلق مَیں نے آقا سے نہیں توڑا
hazaroon aandhiyan guzreen hazaroon zalzale aaye
ghulami ka talluq main ne aqa se nahi tora
تری رحمت نہیں محدود ساری اپنے یاروں تک
مرے جیسے کمینوں سے بھی منہ تو نے نہیں موڑا
teri rehmat nahi mehdood sari apne yaaron tak
mere jaise kameeno se bhi munh to ne nahi mora
ترا دستِ سخاوت ہے تصور سے کہیں بڑھ کر
کسی بھی مانگنے والے کو تو دیتا نہیں تھوڑا
tera dast-e sakhawat hai tasawwur se kahin barh kar
kisi bhi mangne wale ko to deta nahi thora
مری ساری خطاؤں لغزشوں کے باوجود انجؔم
مرے آقا نے دنیا میں مجھے تنہا نہیں چھوڑا
meri sari khataon laghzishon ke bawajood Anjum
mere aqa ne dunya mein mujhe tanha nahi chhoda
Share This Naat
Share with friends and family
درِ دل پر ہوئی دستک تو میں تیری طرف دوڑا
انجم نیازی