چھڈ واعظ گلاں طور دیاں آ عرش تے جان دی گل کریئے
ارنی تھیں نظارہ کی ملناں آ آپ بلان دی گل کرئیے
Chhd waiz galan toor dian aa arsh te jaan di gal kriye
Arni thiyan nazara ki milnan aa aap balan di gal kriye
کی کرناں اُنہاں نمازاں نوں سر سجدے وچ دل ہور کتے
کربل وچ چھاویں تیفاں دی ایہہ فرض نبھان دی گل کرئیے
Ki krnan unhaan namazan nun sir sajde vich dil hor kitte
Karbal vich chaaviyan tefan di eh farz nibhan di gal kriye
چھڈ قصے فتوے بازی دے آ سُن منصور کی کہندے نے
چُم صولی سینے لا پہلوں مُڑ راز دے پان دی گل کرئیے
Chhd qisse fatwe bazi de aa sun Mansoor ki kehnde ne
Chum soli seene la pehlan mur raaz de paan di gal kriye
منزل نہیں کعبہ عاشق دی در یار دے کعبہ جھکدا اے
چھڈ گلاں خُلد جنان دیاں آ اج جانان دی گل کریئے
Manzil nahi Kaaba aashiq di dar yaar de Kaaba jhukda ae
Chhd galan khuld janaan dian aa aj jaanan di gal kriye
اس عشق تے تیریاں علماں وچ ہے فرق ہزاراں کوہاں دا
چھڈ گلاں جھگڑے پان دیاں آ یار منان دی گل کرئیے
Is ishq te teriyan ulmaan vich hai farq hazaran kohan da
Chhd galan jhagde paan dian aa yaar manan di gal kriye
توں علم وچوں ایہہ گل لبھیں ایسے راز نئیں وچ کتاباں دے
صائم جو عشق چوں لبھدا اے آ اُس عرفان دی گل کریئے
Tuun ilm vichon eh gal labhen aise raaz naeen vich kitaban de
Saem jo ishq chon labhda ae aa us irfan di gal kriye
Share This Naat
Share with friends and family
چھڈ واعظ گلاں طور دیاں آ عرش تے جان دی گل کریئے
علامہ صائم چشتی