صبح میلادالنبی ہے کیا سہانا نور ہے
آگیا وہ نور والا جس کا سارا نور ہے
Subha-e-Milad-un-Nabi hai kya suhana noor hai
Aa gaya woh noor wala jis ka sara noor hai
بزم طیبہ کیسی نورانی ہے، کتنا نور ہے
نور ہے پھر نور کس کا جو سراپا نور ہے
Bazm-e-Taybah kaisi noorani hai, kitna noor hai
Noor hai phir noor kis ka jo sarapa noor hai
عرش نوری، فرش نوری، ذرہ ذرہ نور ہے
نور کا دربار ہے، ہر سمت چھایا نور ہے
Arsh noori, farsh noori, zarra zarra noor hai
Noor ka darbar hai, har simt chhaya noor hai
ڈالی ڈالی نور کی ہے پتا پتا نور ہے
گل کھلے ہیں نور کے گلشن میں مہکا نور ہے
Dali dali noor ki hai pata pata noor hai
Gul khile hain noor ke gulshan mein mehka noor hai
میں تہی دامن ہوں داتا تیرے گھر کا نور ہے
لا الٹ دے آج اس دامن میں جتنا نور ہے
Main tehi daman hoon Data tere ghar ka noor hai
La ulat de aaj is daman mein jitna noor hai
جگمگا اٹھے ہیں عرش و فرش و کرسی نور سے
اللہ اللہ کیا چمک، کیا روشنی، کیا نور ہے
Jagmaga uthe hain arsh-o-farsh-o-kursi noor se
Allah Allah kya chamak, kya roshni, kya noor hai
جذب ہے ہر چشم بینا میں اسی سائے کا نور
نور کا سایہ نظر کیا آئے سایا نور ہے
Jazb hai har chashm beena mein isi saaye ka noor
Noor ka saaya nazar kya aaye saaya noor hai
تجھ سے پائی ہے تجلی چشم مہر و ماہ نے
تو وہ تارا ہے کہ اعلیٰ نور والا نور ہے
Tujh se payi hai tajalli chashm-e-mehr-o-maah ne
Tu woh tara hai ke a'ala noor wala noor hai
جس نے جو کچھ نور پایا، سب تری سرکار سے
نور کی سرکار کا، تو سب سے پہلا نور ہے
Jis ne jo kuch noor paya, sab teri Sarkar se
Noor ki Sarkar ka, tu sab se pehla noor hai
اس طرف بھی اک نگاہِ نور اے نور الہٰ
میں سراپا معصیت ہوں تو سراپا نور ہے
Is taraf bhi ek nigaah-e-noor ae Noor ilah
Main sarapa masiyat hoon tu sarapa noor hai
اے منور، ایک میری ہی نظر پر بس نہیں
ہر نظر ہر آنکھ کے پردے میں اس کا نور ہے
Ae munawwar, ek meri hi nazar par bas nahi
Har nazar har aankh ke parde mein us ka noor hai
Share This Naat
Share with friends and family
صبح میلادالنبی ہے کیا سہانا نور ہے
منور بدایونی