دیں اذنِ حضوری مرے اشکوں کی صدا ہے
مقبول ہو آقاؐ یہ مرے دل کی دعا ہے
deen izn-e hozoori mere ashkon ki sada hai
maqbool ho aqa ﷺ yeh mere dil ki dua hai
دامن ہے اٹا گردِ الم سے مرا، سرکارؐ!
بس بارشِ الطاف مجھے ردِ بلا ہے
daman hai atta gard-e alam se mera, surkaar ﷺ!
bas barish-e altaaf mujhe radd-e bala hai
کیوں جائے درِ غیر پہ یہ تیرا نمک خوار
دامن تری خیرات سے جب اِس کا بھرا ہے
kyun jaye dar-e ghair pe yeh tera namak khwar
daman teri khairat se jab is ka bhara hai
بے کس کوئی نرغے میں جب آلام کے آیا
فوراً شہ والاؐ کا کرم اُس پہ ہوا ہے
be kas koi narghay mein jab aalam ke aaya
foran shah wala ﷺ ka karam us pe hua hai
’’دل، خوں شدۂ کش مکشِ حسرتِ دیدار‘‘
آنکھوں میں بھی ہر طور تمنائے لقا ہے
“dil, khoon shuda-e kashmakash-e hasrat-e deedaar”
aankhon mein bhi har tor tamannaa-e laqa hai
لپکا سرِ فاراں جو ترےؐ نور کا جلوہ
ظلمت کدہ بنیاد پہ اپنی ہی گرا ہے
lipka sar-e faran jo tere ﷺ noor ka jalwa
zulmat kada buniyad pe apni hi gira hai
محبوبؐ کی بیداریِ شب دیکھ کے اللہ
تزئیدِ عبادت کی گرہ کھول رہا ہے
mahboob ﷺ ki bedari-e shab dekh ke Allah
tazayyod-e ibaadat ki girah khol raha hai
حد درجہ رہِ دین میں تقویٰ کا ہے اکرام
تقویٰ کی بنا صلِّ علیٰ صلِّ علیٰ ہے
had darja rah-e deen mein taqwa ka hai ikram
taqwa ki banaa sallay alaa ﷺ sallay alaa ﷺ hai
بیمارِ فراقِ درِ محبوبِؐ خدا کو
اکسیر فقط شہرِ مدینہ کی ہوا ہے
bimar-e firaq-e dar-e mahboob ﷺ-e Khuda ko
akseer faqat sheher-e Madina ki hawa hai
لذّت کشِ اثمارِ جناں ہے وہ خوشا بخت
اس در پہ حضوری کا مزہ جس نے لیا ہے
lazzat kash-e asmar-e jannan hai wo khusha bakht
is dar pe hozoori ka maza jis ne liya hai
لاریب ہے صد رشکِ فلک گنبدِ خضریٰ
دستار کے مانند جو روضے پہ سجا ہے
la reib hai sad rashk-e falak gunbad-e khazra
dastaar ke manind jo roze pe saja hai
جب انؐ کو پکاروں میں مصیبت میں سرِحشر
اے کاش کہیں آپؐ کہ سائل یہ مرا ہے
jab un ﷺ ko pukaron mein museebat mein sar-e hashshar
ae kash kahin aap ﷺ ke saail yeh mera hai
ہر تلخیِ محشر ہوئی سر سے مرے کافور
میزان پہ بھاری جو درود انؐ کا ہوا ہے
har talkhi-e mahshar hui sar se mere kafoor
meezan pe bhaari jo durood un ﷺ ka hua hai
مہر مہ و انجم ہی نہیں آپؐ سے روشن
انوارِ محمدؐ کی دلوں میں بھی ضیا ہے
mehr meh o anjum hi nahi aap ﷺ se roshan
anwar-e Muhammad ﷺ ki dilon mein bhi zia hai
ہر نام مرے شاہؐ کا ہے مصدرِ توصیف
کیا حامد و محمود و محمدؐ کی ضیا ہے
har naam mere shaah ﷺ ka hai masdar-e taaseef
kya Hamed o Mahmood o Muhammad ﷺ ki zia hai
مرہونِ کرم جس کے ہیں اکنافِ دو عالم
’’مدحت کا قرینہ بھی اسی در کی عطا ہے‘‘
marhoon-e karam jis ke hain aknaaf-e do aalam
“madah ka qareena bhi isi dar ki ata hai”
ہے منتظرِ آمدِ مہمانِ دنیٰ وہ
ہر شب جو فلک چاند ستاروں سے سجا ہے
hai muntazir-e amad-e mehman-e dana wo
har shab jo falak chaand sitaron se saja hai
اک عالمِ رحمت میں دیا رحمتِ عالم
واللہ! غنی خالقِ محبوبِ خدا ہے
ik aalam-e rehmat mein diya rehmat-e aalam
wallah! ghani Khaliq-e mahboob-e Khuda hai
بوذرؓ ہوں کہ عمارؓ، وہ مصعبؓ ہوں کہ عثمانؓ
ہے کون سا دریا جو سمندر نہ ہوا ہے
Buzar r.a hoon ke Ammar r.a, wo Musab r.a hoon ke Usman r.a
hai kaun sa darya jo samundar na hua hai
بے چارگیِ اہلِ فراقِ درِ اقدس
ہر لمحہ نئی صورتِ سکراتِ قضا ہے
be chargi-e ahl-e firaq-e dar-e aqdas
har lamha nayi soorat-e sakaraat-e qaza hai
مدحِ شہِؐ خوباں پئے انجاحِ الم لکھ
نسخہ یہی اکسیر تجھے بہرِ شفا ہے
madah-e shah-e khubaan peye injaah-e alam likh
nuskha yehi akseer tujhe bahey shafa hai
جبریلؑ کا شہپر ہے تخیّل کو میسّر
افلاک کا ہم سر اسے مدحت نے کیا ہے
Jibril a.s ka shah par hai takhayyul ko muyassar
aflaak ka hum sar usay madah ne kiya hai
قرطاس پہ ہیں بارشِ گلہائے عقیدت
وصّاف کی نظروں میں مدینے کی فضا ہے
qartas pe hain barish-e gilha-e aqeedat
wasaf ki nazron mein Madina ki fiza hai
سائنس اسے تقسیم ہے گو چار میں کرتی
دل پنج تنی روزِ ازل ہی سے مرا ہے
science ise taqseem hai go chaar mein karti
dil panj tani roz-e azal hi se mera hai
آقاؐ کی محبت کی ہے تاکید نفس کو
دھڑکن کو سدا صلِّ علیٰ حکمِ خدا ہے
aqa ﷺ ki mohabbat ki hai takeed nafas ko
dhadkan ko sadaa sallay alaa ﷺ hukm-e Khuda hai
تشکیر کا لمحہ ہے ترے واسطے طاہرؔ
خاصہ جو تجھے مدحِ محمدؐ کا ملا ہے
tashkeer ka lamha hai tare wastay Tahirؔ
khaasa jo tujhe madah-e Muhammad ﷺ ka mila hai
طاہرؔ یہ عطائے شہِؐ کونین ہے مجھ پر
لب پر جو مرے صلِّ علیٰ صلِّ علیٰ ہے
Tahirؔ yeh ataa-e shah ﷺ-e konain hai mujh par
lab par jo mere sallay alaa ﷺ sallay alaa ﷺ hai
Share This Naat
Share with friends and family
دیں اذنِ حضوری مرے اشکوں کی صدا ہے
پروفیسر محمد طاہر صدیقی