مہکی مہکی اے دل دی گلی ، پلکاں تے بتیاں بلدیاں نیں
دَم دَم دے نال اڈیکاں مینوں اُس عربی سانول دیاں نیں
Mehki mehki ae dil di gali, palkaan te batiyaan baldiyaan ne
Dam dam de naal udeekaan mainu us arabi sanwal diyaan ne
جتّھے پاک نبیؐ دے قدم پئے، اُس کرماں والی دھرتی تے
رحمت دے بدّل وسدے نیں ، بخشش سیاں نہراں چلدیاں نیں
Jithay paak Nabiؐ de kadam peye, us karmaan wali dharti te
Rehmat de baddal vasde ne, bakhshish siyaan neharaan chaldiyaan ne
ٹُر پواں عراق عرب نوں مَیں ہُن ایہو صُورت جیون دی اے
تاہنگاں مینوں بغداد دیاں ، سَکّاں مینوں کربل دیاں نیں
Tur pawan Iraq Arab nu main hun aeho soorat jeevan di ae
Tahngaan mainu Baghdad diyaan, sakkaan mainu Karbal diyaan ne
دُکھ دَرد اپنے آقا تائیں، مونہوں دَسّن دیاں لوڑاں نہیں
اوہ محرم سب دیاں حالاں دا اوہنوں خبراں پل پل دیاں نیں
Dukh dard apne aaqa taa'n, moonho dassan diyaan looraan nahi'n
Oh muharram sab diyaan haalaan da ohnu khabraan pal pal diyaan ne
ناں پاک مُحمّدؐ دا تائبؔ دُکّھاں، درداں دادارو اے
اِک واری ایہہ ناں لیےّ تے لکھ آفتاں سر توں ٹلدیاں نیں
Naa'n paak Muhammadؐ da taibؔ dukkhan, dardaan daadaaro ae
Ik waari eh naa'n layee te lakh aaftaan sar toon taldiyaan ne
Share This Naat
Share with friends and family
مہکی مہکی اے دل دی گلی ، پلکاں تے بتیاں بلدیاں نیں
حفیظ تائب