آرزو قلبِ مضطر کی یارو! ان کے در کے سوا کچھ نہیں ہے
وہ نوازیں گے اک دن ہمیں بھی ان کی رحمت پہ کامل یقیں ہے
Aarzoo qalb-e-muztar ki yaaro! un ke dar ke siwa kuch nahi hai
Woh nawazain ge ek din humein bhi un ki rehmat pe kamil yaqeen hai
ایسی دوری پہ قربان جاؤں دور رہ کر بھی دوری نہیں ہے
یہ کرم بھی کرم در کرم ہے میں یہاں ہوں مرا دل وہیں ہے
Aisi doori pe qurban jao door reh kar bhi doori nahi hai
Yeh karam bhi karam dar karam hai main yahan hoon mera dil wahin hai
ہر قدم کعبہء دل بنا ہے اور قبلہ نما ہو گیا ہے
شوقِ منزل میں پروازِ زائر مثلِ پروازِ روح الامیں ہے
Har qadam kaaba-e-dil bana hai aur qibla numa ho gaya hai
Shoq-e-manzil mein parwaaz-e-zaair misl-e-parwaaz-e-rooh-ul-ameen hai
رحمتِ عالمیں کے کرم سے اور قدوم شہ ذی حشم سے
پہلے وہ سر زمیں جو تھی یثرب اب مدینہ وہی سرزمیں ہے
Rehmat-e-aalameen ke karam se aur qadum shah zi hasham se
Pehle woh sar zameen jo thi yathrib ab madina wohi sarzameen hai
اُن کی عظمت کو کیا کوئی سمجھے اُن کی رفعت کو کیا کوئی جانے
اُن کے در کی گدائی پہ نازاں سدرۃ المنتہیٰ کا مکیں ہے
Un ki azeemat ko kya koi samjhe un ki rafat ko kya koi jaane
Un ke dar ki gadayi pe naazaan sidrat-ul-muntaha ka makeen hai
منزلت ہو جو کیفِ طلب میں ہر قدم خود ہی بن جائے منزل
اُن کے دربار والا گوہر سے ہر جبینِ عقیدت قریں ہے
Manzilat ho jo kaif-e-talab mein har qadam khud hi ban jaye manzil
Un ke darbar wala gohar se har jabeen-e-aqeedat qareen hai
میں نے قرآن کی روشنی میں اور حسّان کی پیروی میں
جان و دل سے جو نعتیں کہی ہیں ان کا ایک ایک نقطہ نگیں ہے
Main ne Quran ki roshni mein aur Hassaan ki pairwi mein
Jaan o dil se jo naatein kahi hain un ka ek ek nukta nageen hai
کربلا والوں نے خونِ دل سے کچھ چراغ ایسے روشن کیے ہیں
آج بھی اے صبیحؔ ان کی ضو سے کتنا پُر نور دینِ مبیں ہے
Karbala walon ne khoon-e-dil se kuch charaagh aise roshan kiye hain
Aaj bhi ae Sabeeh un ki zoo se kitna pur noor deen-e-mubeen hai
Share This Naat
Share with friends and family
آرزو قلبِ مضطر کی یارو
سید صبیح الدین صبیح رحمانی