ہو کرم کر سکوں رقم مدحت
آپ کی اے شہِ امم مدحت
Ho karam kar sakun raqam madahat
Aap ki ae shah-e-umam madahat
مونسِ اہلِ غم کی آمد ہے
خوش ہیں کرتے ہیں اہلِ غم مدحت
Monis-e-ahl-e-gham ki aamad hai
Khush hain karte hain ahl-e-gham madahat
واقعی جو ہیں عاشقانِ نبی
کرتے ہیں وہ بچشمِ نم مدحت
Waqai jo hain aashiqan-e-nabi
Karte hain woh bachesham-e-nam madahat
اتنی توفیق بخش دے یا رب
کر سکیں شاہِ دیں کی ہم مدحت
Itni taufeeq bakhsh de ya Rab
Kar saken shah-e-deen ki hum madahat
پہلے تو خود کو با وضو کر لے
لکھ نبیؐ کی تب اے قلم مدحت
Pehle to khud ko ba wazu kar le
Likh nabi (SAW) ki tab ae qalam madahat
نعتِ آقاؐ ہے بر لبِ سلطاں
کرتے ہیں صاحبِ حشم مدحت
Naat-e-aqa (SAW) hai bar lab-e-sultaan
Karte hain sahib-e-hasham madahat
در پہ آقاؐ کے روز و شب قدسی
کرتے رہتے ہیں دم بدم مدحت
Dar pe aqa (SAW) ke roz o shab Qudsi
Karte rehte hain dam badam madahat
مدحِ سرور سے دل سکوں پائے
ہے مداوائے رنج و غم مدحت
Madh-e-sarwar se dil sakun paye
Hai madawaye ranj o gham madahat
کیا کسی سے ہو حق ثنا کا ادا
شان آقاؐ سوا ہے، کم مدحت
Kya kisi se ho haq sana ka ada
Shaan aqa (SAW) siwa hai, kam madahat
ہے یہ مدحِ نبیؐ کا فیض احسؔن
کر گئی تجھ کو محترم مدحت
Hai yeh madh-e-nabi (SAW) ka faiz Ahsann
Kar gayi tujh ko muhtaram madahat
Share This Naat
Share with friends and family
ہو کرم کر سکوں رقم مدحت
احسن اعظمی