سلگتے صحرا پہ خوش نصیبی کے کیسے کیسے سحاب اُترے
خزاں زدہ زرد موسموں کی ہتھیلیوں پر گلاب اُترے
Sulagte sehra pe khush naseebi ke kaise kaise saHab utare
Khazan zada zard mausamon ki hathilyon par gulab utare
جہاں جہاں پر مِرے نبیؐ نے تجلیوں کے نقوش چھوڑے
وہاں وہاں پر خدا کے جلووں کے عکس، مثلِ حجاب اُترے
Jahan jahan par mire Nabiﷺ ne tajalliyon ke nqoosh chhore
Wahan wahan par Khuda ke jalwon ke aks, misl-e Hijab utare
خیال و فکر و نظر کی ساری بشارتیں ہوگئیں مکمل
کہ زندگی کے اُصول سارے برنگ اُمُّ الکتاب اُترے
Khayaal o fikr o nazar ki sari basharatein hogayeen mukammal
Ke zindagi ke usoool saare barang Umm-ul-kitab utare
خدانے میرے نبیؐ کو بخشی جہاں میں جب آخری رسالت
تو کیسے کوئی رسول آئے تو کیسے کوئی کتاب اُترے؟
Khuda ne mere Nabiﷺ ko bakshee jahan main jab aakhri risalat
To kaise koi Rasool aaye, to kaise koi kitaab utare?
یہ میرا عہد خراب و خستہ بھی اُنکی رحمت کا منتظر ہے
کہ ذرّے ذرّے پہ جن کی رحمت کے سینکڑوں آفتاب اُترے
Yeh mera ehed-e kharaab o khasta bhi unki reHmat ka muntazir hai
Ke zarre zarre pe jin ki reHmat ke seenkron aFtab utare
مِرے نبیؐ کی قیادتوں کے چراغ روشن ہوئے تو فیضیؔـ
نگر نگر روشنی سی پھیلی نگر نگر انقلاب اُترے
Mire Nabiﷺ ki qiyadatoin ke charagh roshan hue to Faizi
Nagar nagar roshni si phaili nagar nagar inqilab utare
Share This Naat
Share with friends and family
سلگتے صحرا پہ خوش نصیبی
اسلم فیضی