درودِ پاک سے دل کی طہارت ہو ہی جاتی ہے
سلاموں کے تصدّق میں زیارت ہو ہی جاتی ہے
darood-e-pak se dil ki taharat ho hi jati hai
salamon ke tasadduq mein ziarat ho hi jati hai
وہ بلوائیں گے بالآخر درِ اقدس پہ عاصی کو
لگن سچی ہو دل میں تو اجازت ہو ہی جاتی ہے
woh bulwayen ge balakhir dar-e-aqdas pe aasi ko
lagan sacchi ho dil mein to ijazat ho hi jati hai
بڑے گمنام لوگوں کو ملی شہرت زمانے میں
ملے نسبت ترِے در کی تو شہرت ہو ہی جاتی ہے
bare gumnam logon ko mili shohrat zamane mein
mile nisbat teray dar ki to shohrat ho hi jati hai
مرے آقاؐ نے ڈالی ہے کرم کی اک نظر جن پر
انہیں دنیا میں جنت کی بشارت ہو ہی جاتی ہے
meray aqa ﷺ ne dali hai karam ki ik nazar jin par
unhein duniya mein jannat ki basharat ho hi jati hai
عنایات و کرم کے تو نہیں قابل تھا میں لیکن
کرم جب ان کا ہوتا ہے تو رحمت ہو ہی جاتی ہے
anayat o karam ke to nahi qabil tha mein lekin
karam jab un ka hota hai to rehmat ho hi jati hai
حسینؓ ابنِ علیؓ جیسا ملے قاری اگر کوئی
تو پھر نوکِ سناں پر بھی تلاوت ہوہی جاتی ہے
Hussain ra ibn-e-Ali ra jaisa mile qari agar koi
to phir nok-e-sanan par bhi tilawat ho hi jati hai
جلیل ایسے نکمّے بھی کریں ان کی ثنا خوانی
اگر منظور کرلیں وہ تو مدحت ہو ہی جاتی ہے
Jaleel aise nikammay bhi karen un ki sana khwani
agar manzoor kar len woh to madhat ho hi jati hai
Share This Naat
Share with friends and family
درودِ پاک سے دل کی طہارت
حافظ عبدالجلیل