ہماری دنیا میں کیا رکھا تھا جو شاہِ بطحا مِلا نہ ہوتا
وہاں پہ لوح و قلم نہ ہوتے یہاں پہ غارِ حِرا نہ ہوتا
Hamaari duniya mein kya rakha tha jo Shah-e-Bat-ha mila na hota
Wahan pe loh o qalam na hote yahan pe Ghaar-e-Hira na hota
کبھی نہ آتی کہیں سے خوشبو کہیں نہ کوئی گلاب کھلتا
ازل سے اب تک جہاں جہاں بھی زمیں پہ جو کچھ ہوا نہ ہوتا
Kabhi na aati kahin se khushbu kahin na koi gulaab khilta
Azal se ab tak jahan jahan bhi zameen pe jo kuch hua na hota
تمام کعبے ، تمام معبد ترستے رہتے مجاوروں کو
دعا نہ ہوتی قبول کوئی ، کسی کا سجدہ ادا نہ ہوتا
Tamaam Ka'be, tamaam ma'bad tarastay rehtay mujawaron ko
Dua na hoti qabool koi, kisi ka sajda ada na hota
کوئی بھی آتا کلیم بن کر نہ اپنے ربّ سے کلام کرنے
تمام آنکھیں ترستی رہتیں کوئی بھی جلوہ نُما نہ ہوتا
Koi bhi aata Kaleem bankar na apne Rab se kalaam karne
Tamaam aankhein tarasti rehti koi bhi jalwa numa na hota
ہمارے جیسے ہجوم لاکھوں بھٹکتے پھرتے مقابروں میں
سکونِ دل کے لیے کسی کو بھی سبز گنبد عطا نہ ہوتا
Hamaare jaise hujoom laakhon bhatakte phirte maqabron mein
Sukoon-e-dil ke liye kisi ko bhi sabz gunbad ata na hota
نہ صبحیں آکر سلام کرتیں نہ راتیں ہم سے کلام کرتیں
اگر جبینِ فلک پہ اسمِ رسولِ رحمت لکھا نہ ہوتا
Na subhien aakar salaam kartin na raatein hum se kalaam kartin
Agar jabeen-e-falak pe ism-e-Rasool-e-Rehmat likha na hota
ہمارے جیسے گِرے پڑوں کی نجانے جانوں پہ کیا گزرتی
مرے نبی کا یہ بابِ رحمت اگر ہمیشہ کھلا نہ ہوتا
Hamaare jaise gire paron ki najane jaanon pe kya guzarti
Mere Nabi ka yeh Bab-e-Rehmat agar hamesha khula na hota
عمر نہ ہوتا علی نہ ہوتا کسی کی بنتی نہ بات انجؔم
کوئی بھی ہوتا نہ کوہِ عظمت کوئی بھی شیرِ خدا نہ ہوتا
Umar na hota Ali na hota kisi ki banti na baat Anjmm
Koi bhi hota na Koh-e-Azmat koi bhi Sher-e-Khuda na hota
Share This Naat
Share with friends and family
ہماری دنیا میں کیا رکھا تھا جو شاہِ بطحا مِلا نہ ہوتا
انجم نیازی