خزانے رحمت کے بٹ رہے ہیں نبی ہمارا بڑا سخی ہے
کریم کی ہے کرم نوازی ہماری جھولی بھری ہوئی ہے
Khazane rehmat ke batt rahe hain Nabi hamara bara sakhi hai
Kareem ki hai karam nawazi hamari jholi bhari hui hai
ادھر اُدھر نہ پھرو گداؤ حبیب داور کے در پر آؤ
جو مانگنا ہے نبی سے مانگو نبی کے گھر کونسی کمی ہے
Idhar udhar na phiro gadao Habeeb dawar ke dar par aao
Jo mangna hai Nabi se mango Nabi ke ghar kaunsi kami hai
میرے نبی کی ہے شان بالا بڑا سخی ہے مدینے والا
ہمیں تو جو کچھ بھی مل رہا ہے یہ مہربانی حضور کی ہے
Mere Nabi ki hai shaan bala bara sakhi hai Madeene wala
Hamen to jo kuch bhi mil raha hai yeh meherbani Huzoor ki hai
محبتوں کا اسیر اچھا درِ نبی کا فقیر اچھا
جسے بھی نسبت ہے مصطفیٰ سے بڑا مقدر کا وہ دھنی ہے
Mohabbaton ka aseer achha dar-e-Nabi ka faqeer achha
Jise bhi nisbat hai Mustafa se bara muqaddar ka woh dhani hai
وہ دیکھ جلوے در نبی کے کنول کھلے ہیں محبتوں کے
نبی کا گلشن بہار پر ہے فضائے طیبہ مہک رہی ہے
Woh dekh jalwe dar-e-Nabi ke kanwal khile hain mohabbaton ke
Nabi ka gulshan bahar par hai faza-e-Tayyiba mehak rahi hai
ادھر بھی رحمت کی ہو نجریا رہے سلامت تری نگریا
میں سبز گنبد کے دیکھوں جلوے بڑی طبیعت مچل رہی ہے
Idhar bhi rehmat ki ho najriya rahe salamat teri nagriya
Main sabz gumbad ke dekhun jalwe bari tabiyat machal rahi hai
جو وقت آئے کبھی سہانا اے دوست جب ہو مدینے جانا
سنبھل سنبھل کے قدم اٹھانا حضور کے در کی حاضری ہے
Jo waqt aaye kabhi suhana aye dost jab ho Madeene jana
Sambhal sambhal ke qadam uthana Huzoor ke dar ki hazri hai
زمین فلک چاند اور ستارے یہ دو جہاں کے حسین نظارے
خدا کی ساری خدائی پیارے مرے نبی کے لیے بنی ہے
Zameen falak chand aur sitare ye do jahaan ke haseen nazare
Khuda ki sari khudai pyare mere Nabi ke liye bani hai
میں نعت کہتا ہوں مصطفیٰ کی میں نعت پڑھتا ہوں مصطفیٰ کی
نیازی میری یہ زندگی ہے نیازی میری یہ بندگی ہے
Main naat kehta hoon Mustafa ki main naat padhta hoon Mustafa ki
Niazi meri yeh zindagi hai Niazi meri yeh bandagi hai
Share This Naat
Share with friends and family
خزانے رحمت کے بٹ رہے ہیں نبی ہمارا بڑا سخی ہے
عبدالستار نیازی