تیرے عاشق تیری رحمت بھال دے
کملی والے مشکلاں نوں ٹال دے
Tere aashiq teri rehmat bhal de
Kamli walay mushklaan noon taal de
میں اجے تیکر ہاں راہواں ٹول دا
پہنچ گئے طیبہ چ میرے نال دے
Main aje tekrr haan raahwaan tool da
Pohanch gaye tayyiba ch mere naal de
چن سورج تے ستارے کہکشاں
مُل نئیں محبوب دے اک وال دے
Chan sooraj te sitaray Kahkashaan
Mul nahiin mehboob de ik waal de
جو خطاکاراں نوں سینے لاوندا
صدقے جاواں اُس نبی لجپال دے
Jo khatakarraan noon seenay laawnda
Sadqay jawaan us Nabi Lajpal de
قبر وچ اوہناں دی بلدے نے چراغ
یار دے دیوے جو تھاں تھاں بال دے
Qabr vich ohna di balday ne charaagh
Yaar de deeway jo thaan thaan baal de
دور رہندے ساڈے توں لکھاں عذاب
صدقے سوہنے مصطفے دی آل دے
Door rahnday saday toon lakhaan azaab
Sadqay sohnay Mustafa di aal de
فرش کی اے عرش تے افلاک تے
جھنڈے جھلدے آمنہ دے لال دے
Farsh ki ae arsh te aflaak te
Jhanday jhalday Amna de Laal de
غیر دا بُوہا نہیں صائم ویکھیا
میرے آقا ہین مینوں پال دے
Ghair da booha nahiin Sa'im wekhya
Mere aaqa hain mainoo paal de
Share This Naat
Share with friends and family
تیرے عاشق تیری رحمت بھال دے
علامہ صائم چشتی