توں صاحب سچیار میں تے کجھ وی نئیں
توں سوہنی سرکار میں تے کجھ وی نئیں
Toon sahib sachyar main te kuch vi naeen
Toon sohni sarkar main te kuch vi naeen
تیریاں سب توں اُچیاں ذاتاں سب توں چنگیاں تیریاں باتاں
توں یاراں دا یار میں تے کجھ وی نہیں
Teriyaan sab toon uchiyan zataan sab toon changiyan teriyaan baataan
Toon yaraan da yaar main te kuch vi naheen
کوئی نہیں سن دا میریاں عرضاں پوریاں کر دے میریاں غرضاں
دوریاں وچہ نہ مار میں تے کجھ وی نئیں
Koi nahi sun da meriyaan arzaan puriyaan kar de meriyaan gharzaan
Duriyaan wich na maar main te kuch vi naeen
میں عاجز مسکین نماناں تیرا سارا جگ دیوانہ
عالی تیری سرکار میں نے کجھ وی نئیں
Main aajiz maskeen namaanaan tera saara jug deewana
Aali teri sarkar main ne kuch vi naeen
میں اپنی اوقات نہ جاناں توں بخشیں ہر اک نوں شاناں
توں ایں پیار ای پیار میں تے کجھ وی نئیں
Main apni oqat na jaanan toon bakhshain har ik noon shaanaan
Toon ain pyar e pyar main te kuch vi naeen
ہارن دا مل سوہنیاں ہیرا ہر دم ایہو بول فقیرا
چنگا اے سنسار میں تے کجھ وی نئیں
Haaran da mil sohnayaan heera har dam iho bol faqira
Changa ae sansar main te kuch vi naeen
لگے رہندے بھانبڑ سینے میں وی جاواں شہر مدینے
سوہنا تیرا دربار میں تے کجھ وی نئیں
Lage rehnday bhanbar seenay main vi jaawaan shehar Madeenay
Sohna tera darbaar main te kuch vi naeen
میں ان تارو ترن نہ جاناں گھیر لیا مینوں طوفاناں
کر دے بیڑا پار میں تے کجھ وی نئیں
Main an taaro tarn na jaanan gheer lia mainoo toofanaan
Kar de beRra paar main te kuch vi naeen
خلقت سب دیوانی ہوئی جگ وچہ اوہدے جیڈ نہ کوئی
میں عاصی بدکار میں تے کجھ وی نئیں
Khalqat sab deewani hoi jug wich oho jeR na koi
Main aasi badkar main te kuch vi naeen
میرے تے نئیں کجھ وی پلے تیری ذات ہے بلے بلے
نبیاں دے سردار میں نے کجھ وی نئیں
Mere te naeen kuch vi palay teri zaat hai ballay ballay
Nabiyaan de sardar main ne kuch vi naeen
ایڈا عشق سچا نئیں میرا نئیں ناں وسیلہ پکا میرا
کیویں جاواں پار میں تے کجھ وی نئیں
Aida ishq sacha naeen mera naeen naan waseela pakka mera
Kiwain jaawaan paar main te kuch vi naeen
سوہنے کیتی کرم نوازی بن گئی میری بات نیازی
شکر کراں لکھ وار میں تے کجھ وی نئیں
Sohnay keeti karam nawazee ban gayi meri baat Nayazi
Shukar karaan lakh waar main te kuch vi naeen
Share This Naat
Share with friends and family
توں صاحب سچیار میں تے کجھ وی نئیں
عبدالستار نیازی