نہیں ہے ذکرِ نبی لبوں پر دلوں میں عشقِ نبی نہیں ہے
اگر ہے ایسا تو پھر ہماری یہ زندگی زندگی نہیں ہے
Nahi hai zikr-e-Nabi labon par dilon mein ishq-e-Nabi nahi hai
Agar hai aisa to phir hamari yeh zindagi zindagi nahi hai
چہل پہل نور کی جہاں ہے نثار بازارِ مصر جس پر
تمہی بتاؤ اے زائرو کیا مدینے کی وہ گلی نہیں ہے
Chahal pehal noor ki jahan hai nisaar bazar-e-Misr jis par
Tumhi batao ae zaairo kya Madine ki woh gali nahi hai
اُسے خبر ہے اُسے پتہ ہے لگا ہے نامِ نبی کا طغرا
ہمارے گھر کی طرف مصیبت اُٹھاکے سر دیکھتی نہیں ہے
Usey khabar hai usey pata hai laga hai naam-e-Nabi ka taghra
Hamare ghar ki taraf museebat uthake sar dekhti nahi hai
جسے جو چاہیں عطا وہ کر دیں بلاکے منگتا کی جھولی بھردیں
نبی سا مختارِ کل جہاں میں یقین جانو کوئی نہیں ہے
Jise jo chahen ata woh kar dein bulake mangta ki jholi bhardain
Nabi sa mukhtar-e-kul jahan mein yaqeen jano koi nahi hai
گزر رہی ہے بڑے مزے میں حیات وصفِ رسول کرتے
گدائے آقائے دو جہاں ہیں ہمارے گھر کچھ کمی نہیں ہے
Guzar rahi hai bare maze mein hayat wasf-e-Rasool karte
Gadae aaqae do jahan hain hamare ghar kuch kami nahi hai
نبی کے روضے کے سامنے ہم پڑھیں درود و سلام پیہم
نصیب ایسا کہاں ہے اپنا نصیب ایسی گھڑی نہیں ہے
Nabi ke rozay ke samne hum parhein darood o salaam paiham
Naseeb aisa kahan hai apna naseeb aisi ghari nahi hai
کرم کبھی تو نبی کا ہوگا کبھی تو حرفِ جلی بنے گا
شفیقؔ حرفِ خفی ہے جب تک شعاعِ طیبہ پڑی نہیں ہے
Karam kabhi to Nabi ka hoga kabhi to harf-e-jali banega
Shafiq harf-e-khafi hai jab tak shua-e-Taybah pari nahi hai
Share This Naat
Share with friends and family
نہیں ہے ذکرِ نبی لبوں پر دلوں میں عشقِ نبی نہیں ہے
شفیق ؔ رائے پوری