رحمتوں کا پُر تجلی ہے سماں چاروں طرف
مہرِ حق چمکا ہوا روشن جہاں چاروں طرف
Rehmaton ka pur tajalli hai samaan charon taraf
Mehr-e-Haq chamka hua roshan jahan charon taraf
عید میلاد النبیؐ کی ساعتِ پر نور ہے
ہیں غلامانِ رسالت شادماں چاروں طرف
Eid-e-Milad un Nabi ﷺ ki sa'at-e-Par Noor hai
Hain Ghulaman-e-Risalat shaadmaan charon taraf
جو بھی ذرے آگئے سرکار کے زیرِ قدم
ہوگئے روشن وہ مثلِ کہکشاں چاروں طرف
Jo bhi zarre aagaye Sarkar ke zair-e-qadam
Hogaye roshan woh misl-e-kehkashaan charon taraf
داعیِ اسلام کے فیضانِ دعوت کے طفیل
گامزن ہیں اہلِ حق کے کارواں چاروں طرف
Daai-e-Islam ke faizaan-e-da'wat ke tufail
Gaamzan hain Ahl-e-Haq ke karwaan charon taraf
نعرۂ وحدت کی جب فاران سے گونجی صدا
ہو گئے اصنامِ باطل بے نشاں چاروں طرف
Naara-e-Wahdat ki jab Faran se goonji sada
Ho gaye asnaam-e-batil be nishaan charon taraf
آپ کی آمد کے صدقے آگئی فصلِ بہار
نور و نکہت کا چمن میں ہے سماں چاروں طرف
Aap ki aamad ke sadqe aagai fasl-e-bahaar
Noor o nakkat ka chaman mein hai samaan charon taraf
شانِ آقاؐ کیا گھٹائیں گے منافق دہر کے
جاں نثارانِ پیمبر ہیں یہاں چاروں طرف
Shaan-e-Aqa ﷺ kya ghatayengay munafiq deher ke
Jaan nisaran-e-Paighambar hain yahan charon taraf
آئیں گے اس دم شفاعت کا لیے مژدہ نبیؐ
ہوگا جب محشر میں شورِ الاماں چاروں طرف
Aayen ge is dam shafa'at ka liye mushda Nabi ﷺ
Hoga jab Mahshar mein shor-e-alammaan charon taraf
تو ہی احسن مدحِ سرور میں نہیں رطب اللساں
تیرے جیسے ہیں ہزاروں مدح خواں چاروں طرف
Tu hi Ahsan maddh-e-Sarwar mein nahi ratib ul-lisaan
Tere jaise hain hazaron maddh khwaan charon taraf
Share This Naat
Share with friends and family
رحمتوں کا پُر تجلی ہے سماں چاروں طرف
احسن اعظمی