جس کشتی کے ہیں احمدِ مختار محافظ
اس کے لیے بن جاتا ہے منجدھار محافظ
Jis kashti ke hain Ahmad-e-Mukhtar muhafiz
Us ke liye ban jata hai manjhdhar muhafiz
مظلوم سبھی پا گئے ظالم سے رہائی
جب آگئے بن کر مرے سرکار محافظ
Mazloom sabhi pa gaye zalim se rehai
Jab aa gaye ban kar mere Sarkar muhafiz
کچھ خوف نہیں ہم کو قیامت کی تپش کا
ہیں حشر میں جب سیّدِ ابرار محافظ
Kuch khauf nahi hum ko qayamat ki tapish ka
Hain hashr mein jab Syed-e-Abrar muhafiz
پیشانیِ دل سر کی جگہ اپنی جھکانا
جب روکیں تمھیں بر درِ سرکار محافظ
Peshani-e-dil sar ki jagah apni jhukana
Jab rokein tumhein bar dar-e-Sarkar muhafiz
وہ درسِ محبت دیا سرور نے جہاں کو
رہزن تھے جو وہ بن گئے سالارِ محافظ
Woh dars-e-mohabbat diya Sarwar ne jahan ko
Rehzan the jo woh ban gaye salar-e-muhafiz
اب دولتِ ایماں کا تحفظ ہوا مشکل
پھرتے ہیں بنے رہزنِ عیّار محافظ
Ab daulat-e-iman ka tahafuz hua mushkil
Phirte hain bane rehzan-e-aiyaar muhafiz
صدیق و عمر اور غنی حیدرِ کرّار
اسلام کے بے مثل ہیں یہ چار محافظ
Siddiq o Umar aur Ghani Haider-e-Karrar
Islam ke be misl hain yeh chaar muhafiz
یہ دینِ نبیؐ کیوں نہ پھلے پھولے کہ اس کے
حسنین سے ہیں خلد کے سردار محافظ
Yeh deen-e-Nabi kyun na phale phole keh is ke
Hasnain se hain khuld ke sardar muhafiz
کس چیز کا غم ہے، تجھے کس بات کا ڈر ہے
جب آقاؐ ہیں احسؔن ترے غم خوار محافظ
Kis cheez ka gham hai, tujhe kis baat ka dar hai
Jab Aqa hain Ahsan tere gham khwar muhafiz
Share This Naat
Share with friends and family
جس کشتی کے ہیں احمدِ مختار محافظ
احسن اعظمی