بے مہر ساعتوں کو ثمر بار کر دیا
یادِ نبیؐ نے بخت کو بیدار کر دیا
Be mahr sa'aton ko samar bar kar diya
Yad-e-Nabiؐ ne bakht ko bedar kar diya
کب زندگی کو پھول سا لہجہ ہُوا نصیب
اِس دشت کو تو آپؐ نے گلزار کردیا
Kab zindagi ko phool sa lehja hua naseeb
Is dasht ko to aapؐ ne gulzar kar diya
ذکرِ نبیؐ سے روح میں اتری ہے چاندنی
دل کے حرا کو مرکزِ انوار کر دیا
Zikr-e-Nabiؐ se rooh mein utri hai chandni
Dil ke Hira ko markaz-e-anwaar kar diya
جینے کا کیا قرینہ سکھایا حضورؐ نے
قرآن ہی کو زینتِ کردار کردیا
Jeene ka kya qarina sikhaya Huzoorؐ ne
Quran hi ko zeenat-e-kirdar kar diya
ہر بے نوا کو جرأتِ اظہار بخش دی
ہر بے خبر کو واقفِ اسرار کر دیا
Har be nava ko jur'at-e-izhaar bakhsh di
Har be khabar ko waqif-e-asrar kar diya
اللہ کے سوا کوئی معبود ہی نہیں
حسنِ عمل سے اس کا بھی اظہار کر دیا
Allah ke siwa koi mabood hi nahi
Husn-e-amal se is ka bhi izhaar kar diya
اب حاضری کو اذنِ سفر دیجئے حضورؐ!
جینا مِرا فراق نے دشوار کردیا
Ab hazri ko izn-e-safar dijiye Huzoorؐ!
Jeena mera faraq ne dushwar kar diya
فیضیؔ مِرے حضورؐ کا ہے یہ بھی معجزہ
ہر دور کے شعور کو بیدار کر دیا
Faiziؔ mere Huzoorؐ ka hai ye bhi mojiza
Har daur ke shaoor ko bedar kar diya
Share This Naat
Share with friends and family
بے مہر ساعتوں کو ثمر بار کر دیا
اسلم فیضی