کب ہے مہ و نجوم کے انوار کی طلب
مجھ کو فقط ہے رحمتِ سرکار کی طلب
Kab hai mah o nujoom ke anwaar ki talab
Mujh ko faqat hai rehmat e sarkar ki talab
اب تو حضور خواب میں تشریف لائیے
کب سے ہے مجھ کو آپ کے دیدار کی طلب
Ab to hazoor khwab mein tashreef laiye
Kab se hai mujh ko aap ke deedaar ki talab
صحرائے طیبہ جس نے بھی دیکھا ہے ایک بار
اس کو ہوئی نہ پھر گل و گلزار کی طلب
Seheraa-e-tayyaba jis ne bhi dekha hai ek baar
Us ko hui na phir gul o gulzaar ki talab
دونوں جہاں میں راحتیں پانے کے واسطے
رکھتا ہوںاُن کے سایۂ دیوار کی طلب
Dono jahan mein raahatein pane ke waste
Rakhta hoon un ke saayah-e-deewar ki talab
احوال عرض کرنے کی حاجت نہیں مجھے
وہ جانتے ہیں عاجز و بیمار کی طلب
Ahwaal arz karne ki haajat nahin mujhe
Woh jaante hain aajiz o beemaar ki talab
چشمِ کرم حضور کی آصف پہ جب ہوئی
دل میں رہی نہ درہم و دینار کی طلب
Chashm e karam huzoor ki Asif pe jab hui
Dil mein rahi na darham o deenaar ki talab
Share This Naat
Share with friends and family
کب ہے مہ و نجوم کے انوار کی طلب
محمد آصف قادری