جو نغمے نعت کے آنکھوں کو کر کے نم سناتے ہیں
تو قدسی پھول ان کے نام پر پیہم لٹاتے ہیں
Jo naghmay naat ke aankhon ko kar ke nam sunate hain
To qudsi phool un ke naam par peham latate hain
خدا دامان ان کے دولتِ رحمت سے بھرتا ہے
جو نقشِ نعل کا گھر بار میں پرچم لگاتے ہیں
Khuda daaman un ke daulat-e-rehmat se bharta hai
Jo naqsh-e-na'al ka ghar baar mein parcham lagate hain
ابھی صحنِ چمن سے بادِ کوئے شاہ گزری ہے
گلوں پر حسنِ رنگ و نور کے موسم بتا تے ہیں
Abhi saanh-e-chaman se baad-e-koe shah guzri hai
Gulon par husn-e-rang o noor ke mausam bata te hain
نگاہِ کیمیا سے خاک بھی زر ناب ہوتی ہے
سفالی جام کو سرکار جامِ جم بناتے ہیں
Nigaah-e-kimiya se khaak bhi zar naab hoti hai
Sefaali jaam ko sarkar jaam-e-jam banate hain
سجا کر نوکِ نعلینِ نبی پر ہر شرف اپنا
ہم اپنے عجز کو اپنی جبیں کا خم بناتے ہیں
Saja kar nok-e-na'alain-e-nabi par har sharf apna
Hum apne ajz ko apni jabeen ka kham banate hain
حسیں شانوں پہ ڈھلکے عنبریں سرکار کے گیسو
مری یادوں میں آ کر دل کے سارے غم مٹاتے ہیں
Haseen shanon pe dhalke anbari sarkar ke gesu
Meri yaadon mein aa kar dil ke saare gham mitate hain
ہوائے کوئے بطحا کاش میرے کان میں کہہ دے
چلو اشفاق تجھ کو سرورِ عالم بلاتے ہیں
Hawa-e-koe batha kaash mere kaan mein keh de
Chalo Ashfaq tujh ko sarwar-e-aalam bulate hain
Share This Naat
Share with friends and family
جو نغمے نعت کے آنکھوں کو کر کے نم سناتے ہیں
اشفاق احمد غوری