سناواں کی میں آقا گل تیرے دربار عالی دی
کدی حسنین دا صدقہ بھرو جھولی سوالی دی
Sanawan ki main aaqa gul tere darbar aali di
Kadi Hasnain da sadqa bharo jholi sawali di
ناں جائیے یا رسول اللہ تیرے دربار چوں خالی
رہوے اکھاں چ تابانی تیرے روضے دی جالی دی
Naan jaiye ya Rasool Allah tere darbar cho khali
Rahwe akhaan ch tabani tere rozay di jaali di
جناب فاطمہ زہرا دی چادر پاک دے صدقے
شہا ہن لاج رکھ لیناں میری اس جھولی خالی دی
Janab Fatima Zahra di chadar paak de sadqe
Shaha han laaj rakh leena meri is jholi khali di
عُمر صدیق دے صدقے علی عثمان دے صدقے
عطا ہووے ادا مینوں وی اک عشق بلالی دی
Umar Siddeeq de sadqe Ali Usman de sadqe
Ata howe ada mainoon vee ik ishq bilali di
سلامی لئو غریباں دی مدینے والیو لوکو
تُساں نوں رب پناہ دتی اے دو عالم دے والی دی
Salami leo ghareeban di Madine walyo loko
Tusaan noo Rab panah diti ae do aalam de wali di
سلام اے گُنبدِ خضری سلام اے مسجدِ نبوی
نرالی شان ہے ہر دم تیری شان جمالی دی
Salam ae gunbad-e-khazra salam ae masjid-e-nabwi
Nirali shan hai har dum teri shan jamali di
ایہہ ہے پیغام صائم نے مدینے والیا گھلیا
ہے سُرخی ہر سطر وچ اوہدیاں ہنجواں دی لالی دی
Ae hai paighaam Sa'im ne Madine waliya ghliya
Hai surkhi har satar wich ohdiyan hanjwa di laali di
Share This Naat
Share with friends and family
سناواں کی میں آقا گل تیرے دربار عالی دی
علامہ صائم چشتی